1 لما جناح القلب يرفرف سيبه يطير اوعي تضيع طعم اللحظة بالتفكير سيبه يعدي حدود الدنيا وينسي الخوف غمض عينك وانت تشوف واهزم فيك الخوف بالشوف ومتسمحش لأي ظروف تديك توجيه قلبك أدفي مكان في الدنيا اوعي تسيب البرد يطوله ويسكن فيه اهرب بيه خلي براح الحلم حياته لو لثواني وخلي الكون في البر التاني وجرب تبقي ف مركب عمرك .. أنت الدفة والقبطان واما تلاقي الموج بيعاندك وللاتشوفه بيعلي عليك تبقي أكيد فتحت عنيك بس ساعتها هتبقي عرفت أن الفرق ما بين الدنيا وبين الدنيا فرق كبير علشان كده لو قلبك رفرف سيبه يطير 2 وبسلم نظرة عيني قصاد البحر بدون ضمانات وبسيب الموج يرسمها وبيسلمها لآخر الشوف يخطفها الطير الأبيض لما يرفرف بالجناحات والاقيني بعيني بطير وياه من غير ما أحس بخوف ويرفرف قلبي بكل ما فيه والاقيه فرحان مبسوط ويعيد توزيع الوقت عشان اللحظة الحلوة تعيش وعشان دقاته بتعلن أن الوقت أوام بيفوت بيحاول أد ما يقدر أن الدقة تكون بشويش