حبيباتي الضربشمساويات.. أعزائي الضربشمساويون.. مبدئياً.. سعيد جداً بمشاركاتكم، لكن أحب التأكيد علي حقيقة هامة جداً.. كل الإيميلات اللي بتجيلي بدون شروط الاشتراك الأربعة أحب أطمن أصحابها.. إنها ولا كأنها جت.. ورشة ضربة شمس مش للي عايز ينشر أي حاجة وخلاص في أي حتة.. ورشة ضربة شمس للي عايز ينشر في ضربة شمس تحديداً.. لذا وجب التنبيه.. ثانياً.. علي كل من نشر له في الورشة حتي الآن «كتابة أو رسم أوفوتوغرافيا».. إرسال إيميل يحمل هذا العنوان «ورشة ضربة شمس.. بيانات نهائية».. يحتوي علي الأربع معلومات الرئيسية والأساسية للاشتراك.. واللي همه.. الاسم الثنائي وصورة فوتوغرافية واضحة وتاريخ الميلاد والدراسة أو العمل.. مضافاً إليهما معلومتين كمان.. وهما.. رقم الموبايل.. ومكان الإقامة «مش العنوان بالتفصيل.. البلد أو المحافظة بس».. ثالثاً.. استعدوا للقاء «الضربشمساويون يورشجون».. رابعاً.. أتمنالكم أيام عبقرية أكتر من العبقرية نفسها.. خامساً.. بحبكوا GO ON