التعليم العالي: 100 ألف طالب يسجلون لأداء اختبارات القدرات    المركزي الأوروبي: التضخم بمنطقة اليورو تحت السيطرة رغم الرسوم الأمريكية    برنامج الغذاء العالمي: ثلث سكان غزة بدون وجبة طعام واحدة لعدة أيام    الإسماعيلي يواجه السكة الحديد غدا استعدادا للموسم الجديد    انطلاق امتحانات الدور الثاني لصفوف النقل بالفيوم، غدا    ظهرت مع تامر حسني بأشهر كليباته، أسيل عمران تكشف سبب انتفاخ وجهها    زيلينسكي: يجب إجراء محادثات على مستوى القادة لإنهاء الحرب مع روسيا    مؤتمر جماهيري ل"مستقبل وطن" في دمياط    الإسماعيلي يجدد عقد إبراهيم عبد العال حتى 2029    مصرع سيدة وإصابة زوجها في تصادم سيارتين بالمقطم    محادثات «أوروبية - إيرانية» بإسطنبول ومطالب بضمانات للعودة للاتفاق النووي    وزير العمل عن دمج وتوظيف ذوي الهمم: قضية تحتاج تكاتف المؤسسات    افتتاح مسجدين جديدين بالفيوم وسط استقبال شعبي واسع    ترامب يطلب من رئيس الفيدرالي خفض أسعار الفائدة من جديد    الجيش اللبناني يُشارك في إخماد حرائق بقبرص    بالانفوجراف| الحصاد الأسبوعي لوزارة الزراعة    «اقتصادية قناة السويس» تبحث تخصيص مساحة جديدة لمجموعة «تيدا» الصينية    وزير الخارجية يؤكد دعم مصر الكامل لخطة التنمية الخمسية ورؤية السنغال الوطنية 2050    نيابة باب شرقي تطلب تحريات اتهام شخص بهتك عرض طفل في الإسكندرية    غدا.. ضعف المياه بحى شرق وغرب سوهاج لأعمال الاحلال والتجديد    وزير الثقافة يهنئ المبدعين بيوم الثقافة العربية ويدعوهم لتعزيز الهوية وصون التراث    مبادرة "مصر تتحدث عن نفسها" تحتفي بالتراث في أوبرا دمنهور    ب"فستان قصير"..أحدث ظهور ل نرمين الفقي بمنزلها والجمهور يغازلها (صور)    هل يقبل عمل قاطع الرحم؟ د. يسري جبر يجيب    وزير الاستثمار والتجارة الخارجية يلتقي مسؤولي 4 شركات يابانية لاستعراض مشروعاتها وخططها الاستثمارية بالسوق المصري    وكيلة "الصحة" توجه بتوسيع خدمات الكُلى بمستشفى الحميات بالإسماعيلية    طريقة عمل الكيكة، هشة وطرية ومذاقها لا يقاوم    الكابتشينو واللاتيه- فوائد مذهلة لصحة الأمعاء    محافظ الجيزة يوجه بضبط «الاسكوتر الكهربائي للأطفال» من الشوارع    برنامج تأهيلي مكثف لنجم الهلال السعودي    استشهاد شخص في استهداف طائرة مسيرة إسرائيلية لسيارة في جنوب لبنان    مصرع شخصين وإصابة آخرين إثر حادث تصادم في الطريق الزراعي بالشرقية    عامل يقتل زوجته ويدفنها خلف المنزل تحت طبقة أسمنتية بالبحيرة    رحيل هالك هوجان| جسد أسطوري أنهكته الجراح وسكتة قلبية أنهت المسيرة    نائب وزير الخارجية الإيراني: أجرينا نقاشا جادا وصريحا ومفصلا مع "الترويكا الأوروبية"    باستقبال حافل من الأهالي: علماء الأوقاف يفتتحون مسجدين بالفيوم    «100 يوم صحة» تقدّم 14.5 مليون خدمة طبية مجانية خلال 9 أيام    شقيقة مسلم: عاوزة العلاقات بينا ترجع تاني.. ومستعدة أبوس دماغة ونتصالح    أسعار الأرز في الأسواق اليوم الجمعة 25-7-2025    ضبط 596 دراجة نارية لعدم ارتداء الخوذة خلال 24 ساعة    يامال في مرمى الهجوم، فليك يضع قواعد سلوكية جديدة للاعبي برشلونة بعد الحفلات الصاخبة    هل رفض شيخ الأزهر عرضا ماليا ضخما من السعودية؟.. بيان يكشف التفاصيل    وزارة الداخلية تواصل حملاتها المكثفة لضبط الأسواق والتصدى الحاسم لمحاولات التلاعب بأسعار الخبز الحر    إزالة 196 حالة تعدٍ على أراضي أملاك الدولة بأسوان خلال 20 يومًا - صور    بعض الليالي تترك أثرا.. إليسا تعلق على حفلها في موسم جدة 2025    بطابع شكسبير.. جميلة عوض بطلة فيلم والدها | خاص    واشنطن تدعو إلى وقف فوري للاشتباكات بين تايلاند وكمبوديا    الحكومية والأهلية والخاصة.. قائمة الجامعات والمعاهد المعتمدة في مصر    عالم أزهري يدعو الشباب لاغتنام خمس فرص في الحياة    وزير الخارجية يسلم رسالة خطية من الرئيس السيسي إلى نظيره السنغالي    مواعيد مباريات الجمعة 25 يوليو - الأهلي ضد البنزرتي.. والسوبر الأردني    نجم الزمالك السابق يوجه رسالة خاصة ل عبد الله السعيد    شديد الحرارة والعظمى 44.. حالة الطقس في السعودية اليوم الجمعة    «مشتغلش ليه!».. رد ناري من مصطفى يونس بشأن عمله في قناة الزمالك    لا ترضى بسهولة وتجد دائمًا ما يزعجها.. 3 أبراج كثيرة الشكوى    الآلاف يحيون الليلة الختامية لمولد أبي العباس المرسي بالإسكندرية.. فيديو    سعاد صالح: القوامة ليست تشريفًا أو سيطرة وإذلال ويمكن أن تنتقل للمرأة    دعاء يوم الجمعة.. كلمات مستجابة تفتح لك أبواب الرحمة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



احمد عفيفي يكتب: ياعم إبراهيم قلها .. الجيش لازم ينزل!!
نشر في الدستور الأصلي يوم 20 - 03 - 2013

إيه يا أستاذ إبراهيم يا ابن عيسى .. ماتجيب م الأخر وقلها .. بقالك كتير بتقول وتأكد إن مبارك ونظامه مسقطش بالملايين اللي كانت في ميادين مصر .. ولو اقتصر الأمر على المظاهرات مهما كان حجمها ومدة بقائها في الشارع .. لبقى مبارك في حكمه حتى الآن ، أو جاء - ربما - من بعده ابنه جمال .. وهى دي الحقيقة .. وانا معاك فيها مليون في الميه .. وانت قلتها بالفم المليان .. الجيش لقاها فرصة مناسبة ومهيأة للتدخل ، لأنه ببساطة كان ضد أن جمال يجي بعد أبوه .. كمان الإخوان كسروا " رِجل " الشرطة وكسّحوها .. خلّوها تمشي على ركبتها .. تليفون ل حماس وحزب الله قاموا جم وفتحوا السجون وخرّجوا مرسي وغيره .. وقبلها اتولع في يجي ميت قسم شرطة في ساعة واحدة .. فمبارك لقى نفسه بلا داخلية وبلا مساندة من الجيش وطبعا سبق ده كله رفض شعبي كاسح .. قام خالع.

وانت وانا عارفين ان الإخوان مش ناويين يمشوا ولا بعد ميت سنة .. وماشيين بسياسة الجلد التخين .. ومرسي قالها بلا حياء ولا حمرة خجل : الكرسي .. ودونه رقبتي .. يعني على جثتي ان اسيب الحكم .. واديك شايف .. لا سأل في بور سعيد .. ولا همه عصيان مدني .. ولا قتل خيرة شباب مصر .. ولا دُعا أمهات الشهداء عليه شخصيا .. ولا قومة قضاة مصر الشرفاء بعد تعيينه النائب العام .. وزرع فيهم وبينهم ناس من أتباعه .. فانقسم الفصيل الشامخ وانكسر وكله حط في بقه جزمة وسكت .. يعني حكم القوي .. اللي احنا عايزينه هو اللي حيكون .. اتظاهر زي ما انت عايز .. مليشياتنا موجودة ومتسلحة .. وكانت يوم الاتحادية بروفة حلوة للي مش مصدق .. ومن يومين ظهروا في المقطم .. وضربوا البنت اللي جزمتها انظف من النظام كله .. وسحلوا الولد دومة وأهانوا صحفيين ومصورين .. ولسه .. ياما في الجراب يا حاوي .. اقسم لك بالله يا أستاذ إبراهيم .. هما لحد دلوقتي بيهزروا معانا .. لسه التقيل جي .. كل ما الأمور حتتصاعد والصوت حيعلى اكتر ، كل ما حيحسوا انهم مهددين .. فيثوروا اكتر ويدافعوا بشراسة عن الحكم والكراسي ، لأنهم عارفين يقينا انهم اذا تركوا السلطة .. لازم يروحوا السجن.

طيب ناس زي دول جتتهم منحتة وجلدهم تخين وأنطاع ومعندهمش دم وكدابين في أصل وشهم على قولك .. وقول من هنا لميت سنة جاية ولا حاجة " حتحوأ " فيهم .. وحيمشوا بمبدأ خليهم يتشلوا لحد مايركعوا على الأرض ويسلموا .. او لحد ما نتعود عليهم .. ونعتاد وجودهم وسماجتهم وضحكتهم الصفرا اللي مليانة غل .. ولحد مانوصل اننا منلاقيش اللقمة ناكلها .. وياريتها تيجي ع اللقمة .. ده احنا في الأخر مش حنلاقي مصر .. بلدنا .. مش بلدهم ... طيب نعمل ايه؟

انا حاقولك اللي انت بتقوله ع المتغطى وكل لبيب بالإشارة يفهم .. انت مش عايز تعلنها صراحة ان الجيش هو الحل .. حتى الدكتور إبراهيم كامل اللي فضح حكاية قاعدة البيانات المزورة كان معاك من يومين وقالها لك كده خبط لزق .. الجيش لازم ينزل .. ولحظتها انت أكدت ا ن ده رأى ضيفك وهو حر فيه .. لكنه - والله اعلم بما في داخل نفوسنا - رأيك انت كمان اللي مش عايز تقوله صراحة .. بس بتشير له للي عايز يفهم ويعمل حاجة ..

تعالى نتكلم ع المكشوف .. الجيش مش ممكن كده من الباب للطاق يقوم يقرر انه ينزل ويشيل مرسي ونظامه .. مع انه يقدر - وفي رأيي انا - عنده مبررات قوية للفعل .. حماس اللي قتلوا رجالة من عنده على الحدود وهما بيفطروا في رمضان " ومحدش يقوللي ان مرسي ونظامه ميعرفش " .. ايه تاني .. الأنفاق اللي مفتوحة زي نفق شبرا والتهريب من خلالها الله ينور .. اشي بضائع واشي اسلحة واشي " أتواب " قماش من ملابس الجيش " جيشنا " الله اعلم عملوا بيها ايه قبل كده .. وكانوا ناويين يعملوا بيها ايه بعد كده .. لكن لنقل ان الجيش باله طويل ومش عايز يعمل انقلاب .. لكنه عايز يشوف له مبرر قوي للتدخل الحتمي للحفاظ على أمن الدولة وسلامتها .. ايه هو المبرر ده يا ابراهيم ياعيسى ؟ .. اللي انت قلته امبارح ع المتغطي في الحلقة .. إياكم واليأس ، فإنه خيانة .. إياكم والاعتياد فإنه مصيبة .. إياكم والتعود فإنه الشرعية الحقيقية لاستمرار الإخوان في الحكم .. إياكم وقولة سعد زغلول الشهيرة مفيش فايدة .. اذا رسخت هذه المقولة في عقولكم وقلوبكم ونفوسكم .. يبقى كلوا لامؤاخذة " خرا " .. وحتلاقوا نفسكم بعد كده من كتر التعود عليه ، لو اكلتوا بالغلط حتة جاتوه حتقولوا " يع " إيه القرف ده!

عايزين الجيش ينزل .. يبقى لازم تكونوا في حالة ثورة دائمة .. لازم ترجع لنا القدرة تاني على الحشد .. لازم مليون واكتر يملوا ميدان التحرير .. لازم النظام يجيله إسهال من الرعب .. لازم حساباته تتلخبط .. فيغلط ويعك في تصرفاته .. الدنيا تولع .. البلد ممكن تضيع .. وهنا - وافقت أمريكا او انشالله ماوافقت – لازم الجيش ينزل ويمسك البلد لفترة مؤقتة ومحددة .. يتعمل خلالها مجلس رئاسي مؤقت وحكومة مؤقتة لحد ما نبدأ تاني وم الأول وجديد على نضيف .. وكفانا سنتين واكتر نخرج من نقرة نقع في دحديرة ، وكل ماتقوم لنا قومة نتكعبل تاني ومحدش عارف الخطوة الجاية فين.

اخر حاجة يا ابو يحيى .. وده اللي خلاني اكتب المقال ده في شكل رسالة لك .. الناس المصريين هنا في الكويت بيتابعوك جيدا وعشان عارفين اني بكتب في جريدة انت رئيس تحريرها طلبوا مني اسألك وعايزين يسمعوا منك اجابة قاطعة شافية مشفية .. انت شايف ان نزول الجيش هو الحل الحتمي .. حتى لو الأمر ده مش على هواك لأسباب كثيرة مقنعة .. حيث تجربة المجلس العسكري كانت مهببة بستين هباب .. ولا شايف إيه بالضبط .. عايزين يسمعوا منك في حلقة النهارده إجابة قاطعة من غير لف ولا دوران .. مادام - واعيدها عليك - مبارك مخلعش بالمليونيات وحدها .. يبقى الحل ايه يا عم ابراهيم .. قلها الله يسترك .. يمكن ربنا يجعل في كلامك الشفا ونصحى من الكابوس اللي كابس على نفسنا لمّا حيجيب أجلنا .. قلها ياعم إبراهيم .. يمكن يكون الخلاص فعلا في اللي انت عارفه ومش عايز تصرح به .. قلها يا ابو يحى .. خلي اللي نايمين يصحوا .. واللي " متنحين ولابدين " في الكراسي يغورا في ستين الف داهية تاخدهم وتاخد الي يتشدد لهم.


انقر هنا لقراءة الخبر من مصدره.