غيّر واتغير.. فطّر حد فقير

كل يوم وفي نفس المكان..
هنشاركّم وسيلة جديدة نغيّر بيها ولو ساعة في حياة الناس اللي حوالينا..

ونتغيّر معاهم للأحسن إحنا كمان..
وخليكم دايما فاكرين "الدال على الخير كفاعله"..
يالا بينا نغير ونتغير..


طبعا في رمضان موائد الرحمن منتشرة في كل مكان، لكن ده مايمنعش إن فيه فقراء كتير ممكن مايعرفوش يروحوا يفطروا فيها؛ لظروف المرض مثلا، أو لأن مافيش في منطقتهم موائد كافية، أو أي سبب تاني؛ فإيه المانع إنك ببساطة تجيب أي أكل بسيط سواء من البيت عندك أو تشتريه، وتدّيه لبيّاع متجوّل أو شخص بيكنس الشارع، أو تروح بيه لبيت حد إنت عارف ومتأكّد إنه مش لاقي يفطر، وصدّقني هتفرق كتير أوي معاه أكتر من الفلوس؛ لأن الأكل فرحة، وكمان ثواب إفطار صائم أكيد كلنا عارفينه.. ورمضان كريم.

إيه.. نويت تجرّب؟