وفاء عامر: ركبنا عربيات بفلوس الشعب ومش كتير عليهم نديهم جزء

بكت الفنانة وفاء عامر في لحظة فتح التبرعات لمصر، وعبرت عن دعمها الكامل لمساندة مصر وشعبها حتى تستقر الأمور مرة أخرى، معربة عن سعادتها الشديدة بتهافت المصريين للتبرع لبلدهم، حتى أن خادمتها أعطتها الحلق الذي تعلقه وطلبت منها أن تتبرع به لمصر.
وقالت وفاء باكية في مداخلة تليفونية أمس (الجمعة) في برنامج "ممكن" مع الإعلامي خيري رمضان على قناة cbc: "إحنا الفنانين ركبنا عربيات بفلوس الشعب ده، ومن خير البلد دي، فمش كتير عليهم، ومش كتير على البلد دي إن إحنا نديهم جزء؛ إحنا بنحب مصر أوي، فنانين وإعلاميين، هنقف لحد ما نموت وندافع عن البلد دي".
وأضافت: "هنديها فننا، وهنديها فلوس، وهنديها دعم، وهنديها كل حاجة ممكن نديهالها، وحنديها أكبر بكتير أوي من اللي ممكن أي حد يديهولها".
وفي السياق نفسه كتبت وفاء عبر حسابها الشخصي على موقع التواصل الاجتماعي فيسبوك: "لحم أكتافنا من خير البلد دي، مش خسارة فيها حاجة، إحنا مش بنمن عليها، هي اللي منّت علينا كتير".
وكتبت أيضا: "اتبرع ولو بجنيه، أظن مش كتير، صح؟ دى مصر يا حبايب مصر!".