بالفيديو.. خليكي ملكة في ليلة حنتك

أعده للنشر: أسماء مصطفى
زي ما إحنا عارفين العيد بيبقى موسم الأفراح في مصر، وكل العرايس بتبدأ تجهز نفسها من دلوقتي، علشان كده النهارده هنقدم لكم حلقة مخصوص عن ليلة الحنة.
كل عروسة بتبقى مهتمة أوي بليلة حنتها، وخصوصا بعد الشوهات الجديدة والرسومات اللي بقت موجودة دلوقتي في ليلة الحنة.

وعشان نعرف أكتر عن ليلة الحنة النهارده معانا المتخصصة أسماء الجمل.

إضغط لمشاهدة الفيديو:
كان المتعارف عليه إن ليلة الحنة بتبقى قبل الفرح بيوم لكن دلوقتي بقى فيه عرايس بتعملها قبلها بيومين وده بيتحدد على حسب ظروف كل عروسة، علشان مثلا يستريحوا شوية من الإجهاد اللي بيكون قبل الفرح، وفيه عرايس بيعملوا كده علشان مثلا العريس بيبقى عامل حنة قبل يوم الفرح فهو يحضر الحنة عندها وهي تحضر الحنة عنده.

إضغط لمشاهدة الفيديو:
ليلة الحنة دلوقتي اختلفت عن زمان، بقى فيها شوهات ورقصات وملابس مخصوص لليلة الحنة بنعملها للعروسة وصحباتها زي الشو الإفريقي، وكمان فيه شوهات تانية زي الإسباني والهندي، وفيه الشو النوبي وده زي قاعدة أساسية بتبتدي بيه كل الشوهات، وطبعا بيبقى مع الشو النوبي صينية الحنة اللي كلنا عارفينها بتدخل بيها دايما أم العروسة.
الرسومات كمان بتبقى موضات وأفكار كتيرة، فيه بنات بيبقى ليها طلب معين بنعمله وفيه حاجات بتترسم في وقتها من غير ترتيب.
الحنة اللي بتستخدم في الرسم بتبقى حنة سوداني وبنضيف عليها حاجات زي الصندلة علشان تدي لها اللون الغامق، كمان بنضيف زيوت عشان تدي ريحة حلوة.

إضغط لمشاهدة الفيديو:
وبكده نكون اتكلمنا عن كل ما يخص ليلة الحنة، من أسعارها وأحدث صيحاتها ونتمني تكون الحلقة ساعدت كل عروسة في إنها تقضي ليلة الحنة اللي بتحلم بيها..
خلصت حلقتنا النهارده..
ابعتوا قولوا لنا رأيكم..
واحكي لنا نفسك تعملي إيه ليلة حنتك
سلااااااااام،،،