النهارده هنعمل مع بعض صينية البطاطس بالجبنة، بطريقة بسيطة ليكِ ولأفراد أسرتك. فطائر البطاطس باللحمة المفرومة المقادير: 3 ثمرة بطاطس مسلوقة ومهروسة 3⁄4 كوب جبنة بارميزان (جبنة رومي مبشورة) 1⁄4 كيلو لحمة مفرومة معصّجة 1⁄4 ملعقة صغيرة جوزة الطيب 2 ملعقة كبيرة زبدة 11⁄2 كوب دقيق ملح وفلفل أسود بيضة الطريقة: 1- اخلطي البطاطس المهروسة والبيض والدقيق ونصف كمية الجبنة مع بعض كويس، وبعدين ضيفي عليهم الملح والفلفل الأسود وجوزة الطيب، وابدئي اعجنيهم مع بعض لحدّ ما العجينة تتجانس. 2- افردي العجينة بالنشّابة، وابدئي قطّعيها لدوائر أو مربعات، وبعد كده هاتي الصينية وادهنيها بالزبدة، وبعدين رصّي فيها دوائر العجينة. 3- رصي فوق كل دايرة عجينة لحمة مفرومة، وحطّي فوقيها رشة جبنة، ممكن تقفلي دوائر العجينة وتكون شكلها زي القطايف. 4- دخلي الصينية فرن درجة حرارته 180 درجة مئوية، وسيبيها لمدة من 25 : 30 دقيقة لحد ما الوش يتحمّر، وبعدين خرّجيها من الفرن وسيبيها تبرد شوية، وقدّميها.. وبالهنا والشفا.
خلصت وصفتنا النهارده.. استنونا كل يوم مع وصفات جديدة.. سلام،،،