التائب من الذنب كمن لا ذنب له

إزيكم يا جماعة.. أنا مشكلتي ممكن تكون عادية بالنسبة لأي حد، لكن المشكلة دي خنقاني وعايز أريّح ضميري، بس مش عارف أعمل إيه!!
أنا خاطب يا جماعة وبحب خطيبتي موت، وهي كمان والحمد لله بتحبني، أنا كنت باكلم بنت على الشات وبعد ما اتعرفنا على بعض بدأت تحبني أوي، وهي هتموت علشان تشوفني، المهم رحت قابلتها فعلاً وكنت عايز أسيبها وأمشي والله، بس هي فضلت ماسكة فيّ.
المهم مشيت، وبعديها أنا اتخنقت أوي، وأنا راجع البيت ما كنتش عايز أروّح، ودي كانت أول وآخر مرة أشوف فيها بنت كلمتها من على النت؛ لأني حاسس بذنب عشان خطبتي، وعايز أقول لها على الموضوع ده؛ لأني صريح معاها، بس مش عارف!!
يا ريت تفيدوني يا جماعة أنا غلطتي إني وافقت أساساً إني أقابلها، وما كنتش عارف أنا عايز أقابلها ليه ولا عايز منها إيه!!
ش. ر
لو عايز تفضفض لنا دوووس هنا