السلام عليكم.. أنا بنت عندي 20 سنة، وبادرس في الكلية ومتقدم لي شاب عنده 29 سنة خريج معهد وشغال في شركة، بس المشكلة إن الشاب ده مامته وباباه كانوا متطلقين من وهو صغير، وجده هو اللي رباه، ومامته اتجوزت وباباه كمان اتجوز، أنا ما باتكلمش برضه عن كده؛ لأن ده مش ذنبه. بس أهله مستواهم الاجتماعي أقل مننا ويعني باباه بصراحة مش كويس وبابا رافض الموضوع شوية عشان السبب ده؛ لأن إحنا عارفينهم يعني وخايفة لو رفضته أكون كده باظلمه وآخده بذنب باباه أو أهله، وفي نفس الوقت أنا دايما باتمنى شاب كويس وأهله برضه ناس كويسين، وإن أولادي يطلعوا يبصوا لجدهم أو جدتهم وأعمامهم يلاقوهم ناس كويسين، فمش عارفة تفكيري كده غلط ولا إيه؟ a.