عملت لأختي توكيل بإدارة شركتي.. ألغيه إزاي؟

أنا مصري ومقيم بالخارج وعندي شركة فردية بمصر، وعملت لأختي توكيل عام رسمي بإدارة الشركة وتمثيلي أمام كل الجهات المختصة، والآن أريد إلغاء التوكيل وأنا بالخارج، فما هي الإجراءات؟ علما بأنها رفضت تعطيني أصل التوكيل.

tarek.m


يمكنك التوجه إلى القنصلية المصرية لاتخاذ الإجراءات بإلغاء التوكيل ما دام في حوزتك صورة ضوئية من هذا التوكيل أو رقم وتاريخ إصداره، لأن القنصلية المصرية هي بمثابة الشهر العقاري في خارج جمهورية مصر العربية.

في البداية أنا مقيمة مع زوجي في السعودية، والحمد لله عندنا أولاد، بعد الجواز بشهر اكتشفت إن جوزي عامل لأخته اللي في مصر توكيل عام لأنه كان بيشتري أرض قبل ما يسافر، وبقي عليه قسطين فعمل لها توكيل عشان تعمل العقد النهائي وتدفع الأقساط.

المهم خلص موضوع الأرض وطالبته إنه ياخد منها التوكيل، وخده فعلا ولكن ظهر قدامه أرض جديدة فبعت لها التوكيل، لكن الأرض طلع فيها مشاكل فماشتراش حاجة، في الحقيقة المشكلة إنه واثق في أخته أوي على أساس إنهم من الفلاحين وإن المجتمع الريفي بتحكمه تقاليد، وإنها ماتقدرش تخونه والكلام ده، بس أنا من جوايا دايما قلقانة وخايفة أحسن تتصرف غلط مع وجود التوكيل ده، وتستبيح لنفسها ملك جوزي وملك عيالي، مش عارفة أعمل إيه، متوترة على طول ولما باقول له يقول لي إنتي جرى لعقلك حاجة! أنا إخواتي أمناء، والكلام ده، بس هي والله مش أمينة خالص، وبانزل أجازة بالاقي حاجات من الشقة ناقصة ومابتكلمش خوفا على حياتي واستقرار عيالي؛ مش عارفة أعمل إيه، بالله عليكم ردوا عليّ أعمل إيه بجد؟ أنا تعبانة من التفكير، وحتى لو خدنا التوكيل إزاي أتأكد إنها مثلا ماباعتش لنفسها أي حاجة تخص جوزي بموجب التوكيل اللي معاها، أعمل إيه؟ دلوني.

Life does worth

يا سيدتي.. لا داعي للقلق، لأن ما زالت الدنيا فيها خير، أما عن الوضع القانوني فما دام زوجك حرر التوكيل بكامل إرادته وأهليته فهو المسئول قانونا عن ذلك ما دام على قيد الحياة، وإذا فرضنا بعد ذلك أنه تم استغلال التوكيل في غير رغبة الموكل أو بعد وفاته -لا قدر الله- يحق لكم إبلاغ النيابة العامة، واتهام الموكل إليه بخيانة الأمانة لسوء استخدام الوكالة.