فراخ بانيه في الفرن

لكل الناس اللي بتعمل ريجيم، ونفسها تاكل فراخ بانيه مقرمشة ولذيذة، النهارده هنعمله بطرقة خفيفة أوي، جرّبوها وابعتوا لنا رأيكم فيها..
فراخ بانيه في الفرن
المقادير:
* 6 قطع فراخ بانيه
* ملعقة صغيرة فلفل أحمر مطحون (بابريكا)
* 1 1⁄4 كوب كورن فليكس مطحون
* ملعقة صغيرة ثوم مفروم
* بقدونس أخضر مفروم
* بصلة صغيرة مفرومة
* ملح وفلفل أسود
* كوب لبن
* زيت زيتون
الطريقة:
1- اخلطي الفراخ مع اللبن، وقلّبيهم مع بعض كويس بحيث إن اللبن يغطّي الفراخ تماما، وبعد كده حطّي الفراخ في الخل، وشيليها في الفريزر لمدة 8 ساعات، مع تقليبها من وقت للتاني.
2- هاتي طبق غويط واخلطي الكورن فليكس مع الثوم والبصل والبابريكا والفلفل والملح، وبعد كده ضيفي عليهم الفراخ، وقلّبيها كويس في الخليط ده علشان تتشّرب منه.
3- هاتي الصينية اللي هتعملي فيها الفراخ، وافردي عليها طبقة من الورق الفويل، وادهنيه بطبقة خفيفة من زيت الزيتون، ودخّليها الفرن على درجة حرارة عالية؛ علشان تسخن، وبعد كده طلّعيها، وابدئي رصّي قطع الفراخ عليها، وادهنيها من فوق بطبقة خفيفة من زيت الزيتون، ودخّليها الفرن وسيبيها لمدة من 20 : 25 دقيقة أو لغاية ما الفراخ تستوي، وعند التقديم زيّنيها بالبقدونس الأخضر المفروم.. وبالهنا والشفا.
وبكده تكون خلصت وصفتنا النهارده..
يا ريت تجرّبوها وتبعتوا تقولوا لنا على النتيجة..
واستنونا بكره مع وصفة جديدة..
سلاااااااام،،،