النهارده هنقدّم لك طريقة عمل كفتة السمك بالجبنة البارميزان؛ يلّا بينا على المطبخ نشوف الطريقة... كفتة السمك بالجبنة البارميزان المقادير: * 1⁄2 كيلو سمك فيليه مسلوق ومفروم * 2 ملعقة كبيرة جبنة بارميزان مبشورة * 2 بيضة مخفوقة بالملح والفلفل الأسود * 1⁄2 حزمة بقدونس مفرومة * 3 فصوص ثوم مفرومين * ثمرة بطاطس مسلوقة * بصلة متوسطة مفرومة * 1⁄2 كوب بقسماط * ملح وفلفل أسود * 1⁄2 ملعقة كمون الطريقة: 1- اخلطي كل المقادير اللي عندك مع بعضها كويس. 2- شكّلي الخليط السابق على شكل دوائر أو صوابع، وحمّريها في الزيت لغاية لونها ما يبقي دهبي. 3- بعد كده ارفعيها على مناديل ورق علشان تتشرّب أي زيت موجود فيها، وقدّميها.. وبألف هنا وشفا. وبكده تكون خلصت وصفتنا النهارده.. يا ريت تجرّبوها وتبعتوا تقولوا لنا على النتيجة.. واستنونا بكره مع وصفة جديدة.. سلاااااااام،،،