ضيّعت حبيبي مني عشان ماكنتش باكلمه لما يكلمني

أنا عايزة أفضفض لحد بس مش باعرف لأني إنسانة كتومة أوي، حتى لما حبيت ماعرفتش أتكلم مع اللي بحبه، وده خلاه يسيبني وبقيت باحس إني ضعيفة أوي، وكل حاجة بتأثر فيّ ومش عارفة إيه الحل.
أصحابي بقوا كتير جدا، بس أنا مابحبش الاختلاط أوي، حكايتي دي هو يعتبر أول حب بالنسبة لي وأنا حبيته جدا، بس ماكنتش عارفة أقرّبه مني، كان بيكلمني بس أنا باكتفي بإزيك عامل إيه، بس مش باتكلم معاه أوي، يعني ممكن مابنتكلمش غير في الامتحانات واحنا بنتخانق.. بس لما سابني أنا تعبت أوي وهو ممكن يكون تعب برضه بس أنا مش باعرف أتصرف في المواقف دي.
ma.shah

لو عايز تفضفض لنا دوس هنا