رتبي أولوياتك وما تاخديش أي قرار انفعالي

بسم الله الرحمن الرحيم أنا عندي مشكلة كبيرة جدا جدا، وأرجو الإجابة سريعا أتوسل إليكم. أنا كنت بحب واحد؛ لكن النصيب ما جمعناش بسب طريقته معايا، عصبي جدا. المهم سيبنا بعض وأنا اتخطبت لشاب كويس جدا؛ فرحت جدا، وبسبب شغله بعد عني في الفترة اللي كنت محتاجاه فيها، وبعدين هو عنده شوية غرور لأنه كان من عيلة كبيرة جدا، وبعدين أنا لما قربت منه وما لقيتهوش جنبي كرهته أو ما بقيتش حاسة بيه، وارتكبت غلطة فادحة إني كلمت الشخص اللي كنت بحبه تاني وأنا لسه مخطوبة.
مش عارفة أعمل إيه أنجدوني أمانة عليكم، أنا تعبانة جدا لأني ما بقيتش عارفة حاجة. ثانيا خطيبي مش عايزني أشتغل عشان العيلة طبعا؛ لكن هو بيقول عشان بيخاف عليّ؛ مع العلم إني كنت في جامعة، وهو أساسا مش من النوع الغيور؛ وأنا محتاجة جدا لفلوس الشغل دي.
أمانة عليكم أجيبوني في القريب العاجل: أنا اللي باعمله ده حرام؟ ثانيا: لو سيبت خطيبي عشان أشتغل وأنا بحاجة للشغل أكون غلطانة؟ آسفة للإطالة لكن أنا ما صدقت إني ألاقي حد لأتكلم معاه، أمانة حد يجاوبني أماااااااانة.
مريم