دخلت هندسة من غير ما أذاكر ودلوقتي بافكر أحوّل

أنا مشكلتي إني كنت متعود أذاكر آخر شهرين وخلاص، وكنت باجيب مجموع كويس؛ بس المفاجأة إني دخلت كلية الهندسة الحمد لله، وده أنا عمري ما توقعته لنفسي بس الحمد لله طبعا؛ لأني طول عمري باتمناها، والسنة الإعدادي عدّت وكنت مش عارف أختار تخصص إيه، بس لقيت نفسي ميال لمدني أكتر؛ فناوي إن شاء الله أدخل مدني.. بس خايف؛ لأن مدني يعني بتبني، وطبعا العمارات دي ممكن تقع طبعا لو المهندس فاشل.
أنا الحمد لله باصلي وماباكلمش بنات علشان حرام، وعلشان ماتعداش على حق اللي هتكون زوجتي إن شاء الله، وبادور دايما إني أحافظ على ديني، بس مش باذاكر أو باذاكر مذاكرة إني أنجح وأعدي وبس، مش أفتكر طول حياتي.. وواضح إن الدنيا قلبت بجد معايا والمسئولية كبرت.
آسف إني طولت عليكم، وشكرا أوي ل"بص وطل" اللي باستفاد منه كتير، وبالنسبة لي أفضل موقع بيفيدني في حياتي، وآسف تاني إني طولت عليكم؛ بس المشكلة دي مخوفاني لدرجة إني كنت بافكر أحوّل.. وأتمنى تردوا عليّ؛ لأني بحب الكلية أوي.
Entaa.3omri

لو عايز تفضفض لنا دوس هنا