دفّي نَفسك في الشتاء بشوربة العدس

وصفتنا النهارده سهلة وكمان مغذيّة ومناسبة جدا مع البرد، وهي شوربة العدس، جرّبيها وابعتي لنا رأيك فيها، وماتنسيش تقولي لنا على كل الوصفات اللي عايزة تعرفيها.

شوربة العدس بالبطاطس
المقادير:
كوب عدس أصفر
2 ثمرة طماطم مقطّعة مكعبات
2 ثمرة بطاطس مقطّعة مكعبات
1⁄2 ملعقة كبيرة ثوم مفروم
1⁄2 ملعقة صغيرة كمون
3 ملعقة كبيرة زبدة
3 كوب ميه
ملح وفلفل

الطريقة:
1- شوّحي الثوم في الزبدة لغاية ما لونه يبقى دهبي، وبعد كده ضيفي عليه الطماطم والبطاطس والميه، وقلّبيهم مع بعض كويس.

2- بعد كده ضيفي العدس، وتبّلي الشوربة بالملح والفلفل، وسيبيها على النار لمدة 30 دقيقة، ولو حسيتي إن الميه قليلة ممكن تزوّديها شوية.

3- صبّي الشوربة في أطباق التقديم، وزيّنيها بالكرفس أو البقدونس.. وبالهنا والشفا.

وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت..