عمي معاق.. والحكومة ضحكت عليه

السلام عليكم ورحمه الله وبركاته..
لو سمحت أنا عايزة أسأل سؤال.. هو عمي معاق بنسبة 60% أو أكتر، وكان عايش في العراق ومع الأسف أمواله كلها ضاعت هناك نتيجة الحرب، ولما رجع كان عليه قضية واتحبس 3 سنين واتحكم بغرامة 70 ألف جنيه، وهو مش معاه فلوس واتمنع من السفر لمدة سنة.
المهم دلوقتي إحنا عايزين نعمل له معاش اللي هو تبع المعاقين، بس مش عارفة إيه الخطوات اللي أعملها عشان استخراج المعاش ده، وكمان هل القضية دي هتأثر على استخراج المعاش؟
هو كمان تقريبا لما خرج كان المفروض ياخد مبلغ كده، ولما سأل قالوا أنت كنت تحقيق مش سجن، بالرغم من إنه قضى المدة كلها بس كان تحقيق وكده مالوش أي حق.
يا ترى الكلام ده صح ولا غلط.. ورافضين إنهم يدّوه أي ورق يخصّ القضية، ده برضه عادي ولا لأ..
بس أهم حاجة إيه الخطوات علشان المعاش وأبدأ أروح فين؟ لأني مش عارفة وآسفة ع الإطالة.
eng.nona
عزيزتي.. يمكن الذهاب إلى أقرب مكتب تأمينات اجتماعية؛ للسؤال عن مدى أحقيته في استحقاق المعاش، ولا دخل للقضية في الموضوع، أما بخصوص الحبس الاحتياطي فإن القانون المصري لا يعطي الحق للمحبوس احتياطيا في المطالبة بالتعويض.

قبل زواجي كنت آخذ معاش أبي أنا وأمي، ولكنها توفيت منذ 13 عاما، والآن أخي يحصل على المعاش لأنه معاق.
وأنا الآن ليس لي دخل وزوجي لا يعمل، وعندي أولاد، فهل من الممكن أن أقاسم أخي في المعاش؟ وشكرا.
happy.smile
عزيزتي.. وفقا لأحكام قانون التأمينات والمعاشات لاستحقاق البنت معاش الأب يشترط ألا تكون متزوجة؛ لأن الإنفاق عليها يلتزم به الزوج شرعا، حتى وإن كان لا يعمل، وبالتالي لا يحق لكِ مشاركة الأخ المعاق في المعاش.