فضحت حبيبتي.. وظلمت واحدة تانية!!

السلام عليكم.. أنا كنت بحب واحدة من زمان؛ وهي كمان بتحبني، وشاء القدر وافترقنا؛ المهم بعد ما سبتها طبعا كنت زعلان، وبدأت أتكلّم عنها كلام مش اللي هو يعني، وكأني باخد حقي منها، وافتكرت بعد مدة إني نسيتها وخلاص مالهاش مكان في قلبي، وبدأت أتعرّف على ناس تانية يمكن ألاقي فيهم اللي تمحي اللي فاتت وابدأ من جديد، وفعلا لقيت واحدة كويسة جدا ولاحظت من تصرّفاتها معايا إنها معجبة بيّ، وفاتت أيام قليلة من تعارفنا على بعض، وصارحتني بمشاعرها تجاهي، وأنا ماكدبتش خبر؛ يعني زي ما تقول كده مشيت بالمثل الشعبي اللي بيقول: "خد اللي يحبك.. وماتخدش اللي بتحبه".
أنا كنت متأكّد إنها بتحبني، أما أنا فكنت بملأ الفراغ اللي في قلبي بيها، وبعد مرور سنتين يشاء القدر اللي فرقنا إن نجتمع مرة تانية وكأن شيئا لم يكن وكأن سنتين من الفراق مروا كالساعتين، ورجعنا تاني وأحسن من الأول، وبالرغم من إني فرحان علشان حلمي رجع لي إلا إني مش عارف أعمل إيه مع التانية اللي حبتني بكل إخلاص وصدق!! ومش عايز أكسرها ومش عارف حتى أقول لها هبعد عنها ليه.. وخايف لأنه كما تدين تدان ولو بعد حين.
MEGO_ELPARAM


لو عايز تفضفض لنا دوس هنا