فرصة أخيرة لك وله

أنا كنت مرتبطة بواحد بقى لي معاه سنة، وأنا بحبه أوي، وهو جه تقدم لي من حوالي 4 شهور هو وعيلته؛ بس لسه لغاية دلوقتي ما فيش حاجة رسمي تمّت، كل ما أكلمه يقول لي إن باباه مشغول أو متعارك مع باباه، ولسه شوية ويقعد يزعق لي ويقول لي هو أنا هاطير.
أنا اللي مخليني خايفة إنه ما بقاش معاي زي الأول ولا في كلامه ولا في أي حاجة، وحاسة إنه بقى أناني جدا، ومش بييفكر غير في نفسه، أنا مش عارفة أعمل إيه، حاسة إنه متغير، وحاسة إنه بيؤجل الموضوع، وكل يوم بحجة جديدة.
وكمان إحنا بيننا مشاكل علشان هو لسه بيكلم بنات، وكل ما اسأله يقول لي دول زي أخواتي وأنا معرّفهم إني هاخطب مع إن أنا قبل ما أعرفه كان ليّ أصدقاء كتير؛ بس لما عرفته وحبيته بجد سيبتهم كلهم حتى أصدقائي البنات سيبتهم؛ بس هو من النوع اللي ما باعرفش آخد معاه حق ولا باطل، وأنا كل يوم بانام متعكننة بسببه، وفي نفس الوقت مش قادرة أسيبه ولا أبعد عنه ومش عارفة أعمل إيه؟
N