عندي انفصام في الشخصية وخايفة أقتل ابني

السلام عليكم ورحمة الله وبركاته
أنا اسمى أماني عندي 25 سنة مشكلتي صعبة ومعقده ومش عارفه أعمل إيه فيها، أنا عندي ابن عمره 3 شهور بيرضع طبيعي، وأنا عندي مرض نفسي عندي انفصام في الشخصية، ولازم اخد العلاج؛ لأني وقفته كثير عشان الحمل بس دكتور الأطفال لما عرف إنى مريضه قالى لازم أخد العلاج عشان ماتجليش النوبة واخنق ابنى، ولازم ابنى يرضع صناعي بس ابنى مابيخدش السكاته ولا البزازه، وحولت أعوده على البزازه ماعرفتش أنا محتارة أعمل إيه أخد العلاج ولا ماخدش العلاج، وهو أنا ممكن أقتل ابني، أنا بخاف عليه من الهوا الطاير وأنا ماليش غيره، أنا اطلقت عشانه لما جوزى عرف انى حامل فيه خيرنى بين انو يطلقنى أو أخلف البيبىأ وأنا اخترت ابنى استحرمت الاجهاض ،وأنا عايشه في عذاب عايزة أفضل أرضع ابنى السنتين وفى نفس الوقت أنا تعبانه وحالتى بتدهور بقيت مختصره عن الناس مابقاش عندى أصحاب وبقيت مابعرفش أتعامل مع حد، وأنا عايزه أحس إنى ست لييها حق إنها تتجوز، وتحب وعايز اب يعوض ابنى عن أبوه اللى سابه ومافكرش يسأل عليه ولا مرة، وكأني أجرمت لما خلفت كأني المفروض أتعاقب بأنى اطلقت وأنا حامل والناس تتكلم عليا وتقول جوزه طلقه وهى حامل يبقى الواد ابن حرام هو زنبي إنى مريضة بمرض نفسى أنا ليا حق إنى أعيش ولا.. لا؟ ابنى لما يكبر هيسألنى فين بابا أقوله إيه أنا حياتى باظت أرجو إرسال الرد بسرعة.
صديقتنا العزيزة
نأسف للتأخر فى الرد على مشكلتلك
أنتى "امرأة" من أقل الحقوق المشروعة لكى أن تصبحى أم
وبالرغم من الصعاب التي واجهتها للوصول إلى هذا الشعور الفطري فما زال شعورك بالألم مستمر .
أنا أم مثلك واشعر بما تشعرين من خوف وقلق على طفلك … نصيحتى لكى أن تستأنفى العلاج النفسى ولا تتكاسلى في هذا الأمر لأنه لصالحك ولصالح طفلك لكي تستطيعى مراعاة طفلك خاصة لوجود الكثير من الضغوط والمشكلات المحيطة بك .ولو تعرض أي شخص طبيعي وبظروف نفسيه سليمة لمثل هذه الضغوط فمن المؤكد أن يختل توازنه
بالنسبة لرضيعك حاولى معه بأستمرار ان يأخذ وجبات خارجية مثل ( الزبادى – الحليب الصناعى ) .امنعى نفسك عن الطفل حتى يصل إلى مرحلة من الجوع تدفعه إلى تقبل أي شئ ستعطيه له، حتى يصل إلى الشهر الخامس إن شاء الله سوف تستطيعى ادخال معظم المكونات الغذائية لطفلك .. وإن شاء الله عندما تتعافين بالكامل ستحظين بالحب والشخص الذى يعوض طفلك الأب الذي حرم منه ويعوضك الزوج المحب الحنون، وأدعو من الله أن يعينك