القرار الصعب

السلام عليكم ورحمة الله وبركاته، أنا عايزة أتكلم مع حد في مشكلتي، أنا رومانسية أوي ومش باعرف أفصل بين مشاعري ودراستي أو حياتي العادية، فشلت عاطفيا كتير بس حاليا أنا في 3 كلية وحبيت شاب فاضل له سنة ويخلص صيدلة، وأنا وهو اتعرفنا على بعض عن طريق موقع من على النت، وحبينا بعض وشفنا بعض واتقابلنا بعض بس أنا خايفة إني أبني حياتي على حاجه مش صح.
بس أنا بحبه أوي ومتأكدة من حبه ليّ هو مستعد يخطبني أول ما يخلص السنة دي؛ بس أنا متأكدة إن أهلي هيرفضوا إني أتخطب لطالب لسه بيدرس، هو جاهز وولد وحيد مش له جيش وأهله مش هنا هما في الإمارات؛ بس المشكلة إني خايفة أوي أتصدم تاني في مشاعري، ساعتها بجد ممكن أنهار ومش أقدر أرتبط بحد أنا حبيته، وحاسة بحبه ليّ؛ بس خايفة من استمرار علاقتنا كده لمدة سنة من غير أي ارتباط رسمي وأنا مش متعودة أخبي حاجة على أهلي. أعمل إيه؟
Sweet Heart