هييجي لو هو عايز كده مش لو إنت عايزاه

أنا عندي مشكلة عاطفية؛ على الرغم من إني عاقلة جداً؛ بس مش عارفة إيه سبب كل ده.. أنا ارتبطت أكثر من مرة وكل واحد فيهم كان بيحبني جداً، أول حب كان من طرف واحد (طرفي أنا)، ومع ذلك هو بيحترمني جداً وبيكلمني كصديقة مش أكثر حتى الآن.
الثاني بيسأل عني صاحباتي، ومن فترة للتانية بيكلمني في التليفون؛ بس أنا سيبته لأنه مرة شكّ فيّ وظلمني.
ثالث واحد بعد تفكير عميق كان بيجري ورايا لأكثر من 4 سنين، وأول ما فكّرت أحبه وأقرّب منه، فجأة باباه ومامته عايزين يخطبوا له واحدة تانية، وقال إنه مايقدرش يقف قدّامهم لا يحرموه من الشقة اللي عملها.
مش عارفة ليه بيحصل معايا كده؟ برغم إني أخلصت لكل واحد، وكنت صريحة جداً، واللي في قلبي على لساني.. يا ترى العيب مني ولا من مين؟
أخيراً عرفت شخص جديد بس مش عارفة أخلّيه ييجي البيت بسرعة ويخطبني، وأنا صريحة جداً معاه، وهو كمان حنيّن وصريح؛ بس تجاربي السابقة أحياناً كثيرة تعطيني عدم الثقة في نفسي أو فيه، وحاسة إني بقيت شكّاكة أوي وقلوقة جداً.. أريد حلاً.

lomy


لو عايز تفضفض لنا دوس هنا