حبايبي وأصدقائي الوحيدين، اشتقت لكم كتير. علاقتي بالشخص اللي بحبه كويسة وأهله عارفين إنه بيحبني، وأخوه الكبير كلمني أكتر من مرة؛ بس ما شافنيش.. الحكاية إن أهله متشددين جداً ومتديّنين ومتعصبين كمان. مشكلتي دلوقتي إني نفسيتي تعبانة أوي مش من ناحية الموضوع ده، ولا من ناحية أي حاجة تانية؛ بس أنا أعصابي تعبانة وقرفانة وخلاص، وباطلّع كل قرفي عليه، وهو بيتحمل.. وباقول له: لو مش قادر تتحملني ابعد، لحد ما أهدى، يقول لي لا هاتحملك. حاسة بالذنب ناحيته، وبالشك برضه؛ هل ممكن الإنسان يتحمل كل ده من واحدة لمجرد إنه بيحبها؟ بجد الإنسان ده غريب! اتحمل مني وبيتحمل فوق طاقة أي حد؛ هل كل ده علشان بجد بيحبني؟ أنا حاسة إني مخنوقة أوي، ومش عارفة بجد إيه السبب؟ هل ده موسم ولا إيه؟ نفسي أعرف أعمل إيه في كل اللي في بالي ده. متشكرة ليكم جداً.. أنا بجد مش عارفة من غيركم كنت هاعمل إيه وأفضفض لمين. m