عملتِ اللي عليكِ.. واللي بينكم مصيره يرجع

أنا عندي مشكلة محيراني بجد.. أنا واحدة ممكن أقول على نفسي طيّبة زيادة عن اللزوم وكمان باسامح بسرعة أوي أيّ حد يزعلني، وممكن كمان ما ازعلش.
المهم -من غير قصد والله- حصلت مشكلة بيني وبين بنت خالتي الأكبر مني، وأنا بجد بحبها أوي؛ مشكلة "نقل الكلام".. ده قال، وده عاد، وهي زعلت وأنا زعلت.. الكلام ده كان من شهر ونص كده.
المهم بعد الزعل ده أنا جيت في يوم حاولت أكلّمها علشان أصفّي اللي حصل بينّا، وحاولت اتصل بيها أكتر من مرة ما كانتش بتكلمني ولا حتى بتردّ على رسايلي؛ فقلت خلاص أنا عملت اللي عليّ وهي براحتها.
المشكلة دلوقتي إنها اتصلت عشان تعزم ماما على فرحها وأنا اللي رديت عليها وسألتني على ماما على طول من غير ما تعزمني.
أنا محتارة أعمل إيه.. ما أروحش عشان هي ما قالتليش ومش عايزاني أحضر؟ ولا آجي على نفسي تاني، وأحاول أكلّمها؛ مع إن المشكلة كانت مزدوجة؛ يعني هي وأنا غِلِطنا.
أنا حاولت أرضيها، وهي مش عايزة، وماما بتقول لي كبّري دماغك، وخليكِ في مذاكرتك علشان إنتِ عملتِ اللي عليكِ، وحاولتِ تكلميها قبل كده.
يا ريت تقولوا لي رأيكم إيه؟

pureee



لو عايز تفضفض لنا دوس هنا