قصة تبحث عن تعليق: "بدون عنوان"

"قصة تبحث عن تعليق" باب جديد ينضم إلى الورشة.. سننشر فيه القصص بدون تعليق د. سيد البحراوي، وسننتظر منك أن تعلق برأيك على القصة..
وفي نهاية الأسبوع سننشر تعليقك بجوار د. سيد البحراوي؛ حتى يستفيد كاتب القصة من آراء المتخصصين والمتذوقين للقصة القصيرة على حد سواء.. في انتظارك.
"بدون عنوان"
كنت صغير وهيا كمان كنت صغيره كبرت قدام عينى وكنا دايما بنلعب سوا مع بعض مكنتش بسيبها لحظه وحده
كانت عايشه معانا وبالخصوص عايشه معايا انا,مكنتش بروح مكان هنا ولا هناك الا وباخدها معايا ..بغير عليها من الهوا الطاير
مستحملش اشوفها تلعب مع حد من اخواتى ولا حتى مامتها ..حتى لما بنام كنت بعد ما كل البيت ينام باخدها تنام معايا
امى قالتى اللى بتعمله ده غلط هيا دلوقتى صغيره وعادى وبعد ما تكبر مينفعش خالص .. وانا مكانش بيجيلى نوم وهيا بعيده عنى
حتى لو نايمه قريب منى .. عشت معاها احلى حياه كانت زى الحلم , وأى حلم !! دا كان اجمل حلم فى حياتى
كبرت قدامى شويه بشويه وكل ما تكبر كنت بفرح بيها كل حاجه بنعملها مع بعض , مفتكرش انها زعلت منى ابدا ولا عملت اى حاجه دايقتنى
مستحيل انسى احلى ايام عشتها معاها ومستحيل انساها مهما عدى العمر ومهما شفت غيرها لان ببساطه مستحيل يكون فى زيها فى الدنيا دى
بعد ما سابتنى بقيت عايش وحيد بالرغم من وجود اهلى واصحابى وكدا ,لكن هيا كانت الحب الاول واعقد انه هيبقى الاخير..انا ليا قلب واحد وهيا اخدته معاها
وفى يوم كانت مريضه وانا حاولت اقنعهم اوديها للدكتور .وهما يقولوا دكتور ايه اللى توديها ليه قالوا دى حاجه بسيطه وانشاء الله هتبقى كويسه مع الوقت
وكانت فعلا تعبت كتير قبل كدا وديما كانت بترجع احسن من الاول ,لكن المره دى تعبها زاد .
مش هقدر انسى اليوم ده ابدا !!! كنت راجع من المدرسه ولقيت البيت متغير .. هو فيه ايه؟؟ محدش راضى يرد عليا . ايه اللى حصل؟؟
برضو مفيش اى رد ..هيا لسه تعبانه ومش عايزه تاكل برضو .. طيب هيا فين ؟؟
بقيت عامل زى المجنون اجرى يمين وشمال دخلت كل الغرف اللى فى البيت بدور عليها ومش لاقيها ..حسيت الدنيا بتلف وبتدور بيا ومش قادر اقف مكانى
قعدت على اقرب كرسى وقلت:انتوا عملتوا فيها ايه ؟؟ نظرهم كان على كرتونه فى كانت فى ركن على جنب . فهمت ان الكرتونه دى فيها حاجه
مالها الكرتونه دى فيها ايه ؟؟ انا بسألكم عنها .. رحت اشوف الكرتونه فيها ايه لقيت حب عمرى الاول والاخير اجمل وارق مخلوق قابلته ومعتقدش هقابل زيه
بعد كدا , قطتى مشمشه بتموت ... صرخت بطريقه هستيريه لاءءءءءءءءءءءءءءءءءءءءءءءءءء
متسيبينيش لوحدى مش هقدر اعيش من غيرك ثانيه وحده ... ليه كدا ليييييييييييييييييه ؟؟ ..
وسابتنى وحيد فى الدنيا ,والحلم الجميل انتهى على واقع مؤلم
وهيا دى كانت اول واخر قصه حب عشتها ومعتقدش انى ممكن اخونها وافكر فى مخلوق تانى بعدها
ومن بعدك حياتى ملهاش لا طعم ولا لون ..
"فكم من حزن كدر من صفوى وكم من دمعه تدحرجت على خدى "
tarek genady
التعليق:
قصة جيدة بشرط حذف السطور الأخيرة "بعد أن لقيت فيها حبي الأول والأخير"، ويمكن أن نضيف إليها "مشمشة" بدلاً من الباقي الذي لا أهمية له، بل إنه يضر القصة كثيراً.. واللغة تحتاج إلى ضبط؛ فالعامية أيضاً لها قواعدها الإملائية والنحوية.
د. سيد البحراوي
أستاذ الأدب العربي الحديث بكلية الآداب، جامعة القاهرة