تلغراف

كيوبيد والسهم الخطأ
أنا شاب عادي زي أي شاب، من زمان وأنا بحلم إني أحب واتحب، ولما لقيت الإنسانة اللي بحلم بيها من زمان، حسيت إن الدنيا كلها ملكي، حبيتها بكل ما فيا، شفت فيها الأدب والأخلاق، شفت فيها الجمال اللي بحلم بيها، أنا شفتها في الامتحانات، وقعدت طول فترة الإجازة مستني اليوم اللي هاشوفها فيه تاني، لقيت واحدة تانية خالص غير اللي حبيتها، لقيت بنت مستهترة بتلبس لبس خارج أوي، وكمان تعرف شباب كتير، اتصدمت فيها فعلا، وكرهت نفسي، البنت اللي كنت مستكترها على نفسي، وباتمنى إنها ترضى تكلمني، دلوقتي باستحقرها؛ بس في نفس الوقت، مش قادر أنساها، وبحب أشوفها دايما حتى إني اتعرفت على واحدة زميلتي بس حبي للتانية مش مخليني شايفها خالص، مش عارف أعمل إيه أرجوكم دلوني.
sh
صديقنا العزيز:
في الأساطير اليونانية القديمة صور كيوبيد إله الحب في صورة طفل صغير يمسك بجعبة سهام يصيب بها من يشاء, وكونه طفلاً؛ فهذا يعني أنه من الممكن أن يطيش سهمه أحياناً كثيرة ويصيب هدفاً خطأً, وهذا ما حدث معك؛ فأنت قد أحببت من لا تناسبك؛ لأنها تنافي تماما الصورة التي أردتها؛ فأنت أردت فتاة تكون مثالا للجمال وللأدب, وظننت أنك وجدت مرادك في تلك الفتاة؛ ولكن أتت الرياح بما لم تشته سفينتك واكتشفت أنك خدعت في من اعتبرتها ملاكا بريئا, ومن الطبيعي أن تصدم وتتألم, وستأخذ وقتاً حتى يمتص قلبك هذه الصدمة وتفيق من أثرها, وبالطبع لا داعي لتذكيرك بأن لا تظلم فتاة أخرى معك؛ لأنها لن تساعدك على نسيان من تحب؛ ولكنها ستضيف هما آخر لهمومك.
وحتى تنساها بسرعة ذكر نفسك كلما دق قلبك من أجلها أنها لا تصلح أن تكون زوجة وأماً, وهذا لأن نهاية الحب الطبيعية هي الزواج, ومادمت لا يمكن أن تتزوجها فلا يجب أن تحبها حتى لا تتعذب من دون طائل؛ ففكر جيداً وربنا يهديك للخير ويعوضك بخير منها؛ لأنها لا تستحق حبك.
منى محمد خالد
رابع خطوبة وخايفة
السلام عليكم انا عندى مشكله انا من قريه واتخطبت اكتر من مره وفركشت وانا معايا بكالوريوس هندسه ودى رابع مره خطوبه ليا واهلى غصبوا عليا اتخطب لابن خالتى وهو معاه دبلوم وده مسبب ليا حاجز نفسى وانا مخطوباله بقالى تلات شهور بس لحد دلوقتى مش عارفه اتعامل معاه لانى مش مديه نفسى فرصه اصلا ومش عارفه اعمل ايه وحتى مش عارفه هو بيحبنى ولا لا بس هو بيقول انه بيحبنى ياريت حد يرد عليا.
Y
على الرغم من إني لا أميل لإدانة من فشلت في خطبتها أكثر من مرة لكن في حالتك لازم تقفي وقفة مع نفسك لأنها رابع مرة وده إن دل على شيء يدل على سوء إختيارك لأن الحظ ممكن يبقى مرة أو اتنين بس أكتر من كده يبقى سوء اختيار منك للأشخاص اللي أنت شوفتي فيهم إمكانية الإرتباط لأن مش معقول الغصب يبقى مرة واتنين وتلاتة أما بقى بالنسبة للمرة الرابعة الحالية ففيه سؤال لازم تسأليه لنفسك يا باشمهندسة: فيه عمارة تنفع تطلع من غير أساس جيد وتستقر وتفضل ولا مسيرها تقع؟خطوبتك الرابعة دي من غير أي نوع من أنواع الأساس لا حب ولا اتفاق في المستوى التعليمي ولا حتى رضا عن الشخص نفسه، ده حتى لو هو إنسان كويس إنت ممكن ترفضيه لأنه غصبا عنك ومش بإرادتك الحرة. طيب إيه الحل؟
الحل دلوقتي إنك تقعدي مع أهلك وتكلميهم بالعقل والمنطق لأن الخطوبة الفاشلة دلوقتي هي زواج فاشل بعد كده وأكيد طلاق مستقبلا سواء كان طلاق حقيقي أو انفصال زوجي. اعملي أي حاجة في سبيل إنك تفسخي الخطبة دي واقعدي مع نفسك وقرري إيه اللي إنت عاوزاه في شريك حياتك وحطي أحلام واقعية بمعنى من حقك تحلمي إن شريك حياتك يبقى جذاب ورومانسي وعاقل ومتدين بس ما ينفعش تكون فيه كل المواصفات دي وكمان غني ومثقف ومطلع، مفيش حد كامل لإن الكمال لله وحده.. احلمي بالعقل وتأني جدا قبل أي اختيار لأنها هتبقى الخطوبة الخامسة وربنا معاك.

إيمان طه البداوي