قصّة شعر "كاريه".. على الموضة

أهلاً بكل بنات "قمر 14"، أنا النهارده معاكم في حلقة جديدة من حلقات "إنتِ أجمل مع إيمان أيوب"...
بنات كتير بتحتار لمّا بتيجي تقص شعرها، وما بتبقاش عارفة تختار القصة المناسبة لها ولشكل وشها، وكتير منكم بعت وسألنا عن أحدث قصات الشعر السنة دي..
علشان كده فكّرنا نعمل لكم حلقة خاصة مع مصفف الشعر "محمد يونس" اللي هنشوف معاه "قصّة كاريه" بشكل جديد وروش ومتميّز وفيه تمويجات مفتوحة شوية، وبكده بنكسر شوية الشكل المعتاد للكاريه اللي بيكون عادة الشعر فيه مفرود...
الكاريه موضة في صيف 2010
زي ما كلنا ملاحظين إن الكاريه موضة جداً الصيف ده، لكن كل وش وله شكل الكاريه المناسب له فمثلاً:
صاحبة الوجه المدوّر.. بيناسبها أكتر القصّة الكاريه اللي كل أطرافها متساوية.
صاحبة الوجه الطويل.. بيناسبها الكاريه الديجراديه اللي بتكون أطرافه مقصوصة بشكل مدرّج مِن بعد منطقة الأنف علشان ما نعملش طول زيادة في مساحة الوجه.
صاحبة الوجه الصغير.. بيناسبها الكاريه الفرنساوي اللي بيكون قصيّر ومدوّر شوية، والشعر فيه بيغطي منطقة الأذن.
والكاريه اللي هنشوفه في الفيديو النهارده مناسب أكتر للبنت اللي وشها صغيّر ورفيّع، واللوك ده بيناسب أكتر البنات الصغيرين في السن..

إضغط لمشاهدة الفيديو:


إضغط لمشاهدة الفيديو:

وفي النهاية نتمنّى إن الحلقة تكون عجبتكم...
واللوك اللي عملناه كمان يكون عجبكم..
وانتظرونا في الحلقات اللي جاية..
إيمان أيوب،،،،