الحلم: أنا حلمت إن أنا وصديقتي كنا نسير بشارع، وكان في موتوسيكل عليه أولاد بيضايقونا، وبعدين جت عربية بَعَدت الموتوسيكل ده عننا، وكنا خايفين منهم برده، وبعدين لقيت صديقتي واقفة مع واحد من اللي كانوا في العربية، وقال لها إنه مسيحي وبعدين صديقه فضل يتكلم معايا، وحسيت إننا مرتاحين لبعض، والمفروض إننا قضينا يوم مع بعض خرجنا فيه وفي الآخر لقيته بيقول لي اسمه اسم أجنبي كده، وفهمت ساعتها إنه مسيحي برده وقعد يعيط عشان زعلانة إننا مش هنقدر نكمّل مع بعض عشان اختلاف الدين، وقال لي إنه ممثل في فيلم أجنبي، وقعد يكلمني عن دينه وهو بيعيط إنه خايف يعني ومقتنع بدينه؛ بس نفسه يبقى مسلم زيي عشان نبقى مع بعض، وكان صعبان عليّ جداً، واتصدمت لما عرفت. مع العلم إن الشخص ده عمري ما شفته في الحقيقة، وأنا أصلاً مخطوبة؛ بس مش مبسوطة أوي، وفيه دايماً مشاكل وصديقتي مش مخطوبة. يشير حلمك إلى عدم رضاك عن خطوبتك وعن خطيبك، ورغبتك الدفينة في أن تجدي شخصاً أفضل منه يحبك وتشعري أنت أيضاً معه بالحب والاحتياج حتى إذا كان به بعض النواقص أو العيوب.