5 أفكار لتجهيز وجبة طفلك المدرسية

آيه أشرف
المدارس خلاص على الأبواب، وطبعا بتحتاري ايه الأكل اللي هتقدميه لطفلك وهو رايح المدرسة ويكون فيه كل الفوائد الغذائية اللي ممكن تفيدوا في يومه الدراسي، علشان كده النهاردة هنقدم لك بعض الأفكار اللي ممكن تساعدك في تجهيز علبة الطعام (Lunch Box) الخاصة بطفلك.
1- حاولي تقدمي لطفلك كل العناصر اللي ممكن تساعده على التركيز في يومه الدراسي مثل المكسرات وأهمها عين الجمل واللوز.
2- احرصي إن علية الطعام يكون فيها خضراوات بألوان مختلفة مثل الخس والطماطم والخيار والجزر.
3- ممكن تخصصي مكان صغير في العلبة بحيث انك تحطي كل يوم نوع فاكهة مختلف.. ملحوظة: حاولي تختاري الفاكهة الجافة زي التفاح أو الكمثري علشان تكون سهلة في أكلها.
4- لو هتقدمي لطفلك الخبز حاولي يكون مصنوع من الدقيق الكامل، علشان ما يسببش له سمنة وتكون عملية الهضم سليمة.
5- ممكن تحطي لطفلك أي نوع من العصائر الفريش مثل البرتقال والكيوي اللي تعطي له طاقة وفي نفس الوقت تقوي مناعته لأن مع المدارس والاختلاط الأمراض بتزيد..
6- ابعدي عن تقديم السكريات غير الطبيعية لطفلك أثناء اليوم الدراسي لأن الأطعمة ديه بتزود من طاقته لوقت معين وبعدها بيشعر بخمول باقي اليوم.
في النهاية أحب أقول لكم على معلومة سريعة: لازم تخلي شكل علبة الطعام (Lunch Box) منظمة ومرتبة بحيث تفتح شهية طفلك على تناول الطعام وما يلجأش لتناول أطعمة من برة.
نماذج لتجهيز ال lunch Box
* صحة وجمال
اضغط على الصورة لمشاهدة الجاليري: