عصام سلطان للحسينى " صعب اوى تبقى شيوعى وفلول مرة واحدة "

ستنكر عصام سلطان -نائب رئيس حزب الوسط وعضو جبهة الضمير الوطني مسارعة المذيع يوسف الحسيني لنفي كل ما يكشفه سلطان دون تدعيمه بالأدلة الكافية.
وقال سلطان: "صعبان على يوسف الحسينى أوى ، هو واللى زيه ، كل ماافضح السيسى فى حاجة جديدة يخرجوا من تحت البيادة يشتمونى ويرجعو بسرعة تحتها تانى ، آخر حاجة اتحديت السيسى فيها أن السجن الحربى مليان معتقلين عسكريين معارضين للانقلاب ، خرج بسرعة المتحدث العسكرى وقال مفيش ، والسيسى اعد يحلف بالله تلات مرات ان الجيش على قلب رجل واحد ، بس حظه الوحش ان شهود كتير كذبوه ، آخرهم الشاعر مصطفى السبيلى على تويتر.
وتابع: :دايما يوسف الحسينى بالذات يشتم ويجرى وهو مرعوب منى، وأهم حاجة يكون لواحده فى البرنامج بتاعه وهو بيشتمنى مع إن الونس حلو.. آخر حاجة جابوهالى الشباب انه حاطط مستند منسوب لى وقال يعنى أنا أمن دولة ، بس مشكلته إن الشباب طلعو توقيعه متطابق تماما مع التوقيع فى المستند ، حتى التزوير مش فالح فيه يا يوسف"
وتابع: "ممكن مشكلتك تتحل لو كنت شيوعى بس لانك احتمال تفهم فى يوم من الأيام ، وممكن مشكلتك بردو تتحل لو كنت فلول بس لانك احتمال تتوب وترجع اللى انت سرقته ونهبته ، بس صعب أوى أوى انك تبقى شيوعى وفلول"
وأختتم: علي العموم أنا بطمنك ، خد راحتك عالآخر ، انا على 12 ضبط واحضار و28 تهمة ، أقل واحدة فيهم القنص من أعلى سطح نادى الحرس الجمهورى للمعتصمين الساجدين ، فأنا مش هكون فى محيط مدينة الانتاج الاعلامى خالص ، أنا إما فى رابعة أو فى السجن ، ودى فرصة تعالج فيها نفسك من الخوف منى ..بس لو انا مش فى رابعة ولا فى السجن ، تفتكر انت هتبقى فين .. انت والسيسى.