"ثورة الإنترنت" تبدء أولى خطوات التصعيد

في محاولة منهم لبدء أولى خطوات الحملات التصعيدية، ضد شركات الإنترنت، لمدة أسبوعين، أصدرت حملة "ثورة الإنترنت"، اليوم ، بياناً لها عبر صفحتها ب"الفيس بوك"، أعلنت خلاله عن اتخاذها أولى الخطوات التصعيدية التي طالبت أعضاءها بالالتزام به، والذي جاءت بنوده كالتالي:-
"هندفع الفواتير كلها فكة.. يوم دفع فاتورتك خد حد من أصحابك معاك أو أكتر علشان ما بتقاش لوحدك وخد قيمة فاتورتك جنيهات فكة.. يا سلام لو انصاص واربع".
وتابعت: "حد من أصحابك بيصور ابعتلنا الفيديو وهنوثقه ع الصفحة الرسمية، وماتمشيش قبل ما ياخدو منك الفكة، ولو رفضوا قولهم دي فلوس الحكومة، ولو رفض أكتر اتصل بالشرطة..وده نص القانون "قررت وزارة المالية تغريم من يمتنع عن التعامل بالعملة المعدنية 100 جنيه من فئة الجنيه والنصف جنيه".
واختتمت قائله: لو عددكم في العمارة 5 روحوا الفرع اعملوا إيقاف ل 4 اشتراكات لمدة أسبوع، وخدوا وصلة من بعض- متجيبش سرعة غالية.. استحملوا بعض لمدة أسبوع هنخسرهم كتير.