بعد معرفهاش.. رد فعل ل أمير كرارة تجاه مها أحمد وزوجها

أثارت مها أحمد خلال الساعات الماضية حالة من الجدل على «السوشيال ميديا» بسبب ما تعرضت له من تجاهل وخذلان من جانب أحمد السقا وأمير كرارة، فيما رد عليها الأخير في منشور نشرته قائلاً:«يا خالد انا عمري ما شوفتها اصلا ولله انا مجدي وخالد وصلاح كامل ناس مخترمه دخلت بيتهم.. ووجمله الدور بينادي صاحبه دي أكيد معرفش بتتقال ازاي والله».
وخلال الساعات الماضية ومن أجل إنهاء الأزمة المشتعلة بين الثنائي علق كرارة على أحد المنشورات التي نشرها الفنان أحمد التهامي حول الأزمة بين مها وكرارة والسقا قائلاً: «مها أختي ومجدي أخويا وأنا والله ولا زعلان ولا أي حاجة عشان فعلا الموقف دا محصلش»، مضيفاً:«وبردو مش زعلان منها دي حبيبتي ومجدي حبيبي وأخونا».
والجدير بالذكر أن مها حكت تفاصيل تعرضها للخذلان على يد الفنان أمير كرارة، وذلك خلال اجتماعها به على هامش إحدى المناسبات، ومطالبته بالمشاركة معه في أحد الأعمال، وذلك أثناء فترة جلوسها بالمنزل بعد نقصان وزنها.
وتحدثت في بث مباشر على حسابها الشخصي فيس بوك: «قابلت زميل تاني.. كنت بشتغل في شركة وكنت بعمل برنامج وهو كمان كان بيعمل برنامج قبل ما يتشهر.. ويشوفني يقولي يا أستاذة ونوع من الرقي.. وقولت يابت مافيش مشكلة في نوع من العشم.. دخلت وقولتله مبروك إيه بقى مش هنشتغل مع بعض.. راح باصصلي كده وقايلي الدور بينادي صاحبه طبعًا أنا استغربت للرد.. كان ممكن يقولي ربنا يسهل أو حاجة».
وتابعت: «بناءً على اللي حصل جالي اكتئاب وعيطت كتير جدًا.. أنا تعبت وأخدت أدوية ومازلت باخد الأدوية لحد دلوقت.. شئ طبيعي لما ألاقي فيها حاجة بها رد اعتبار ليا.. هتكلم وأكتب على صفحتي.. وأنا كتبت بصراحة شديدة.. ولا بشمت في حد ولا عايزة.. ولو عايزة أشمت هشمت في نفسي أني أحسن من ناس كتير وقاعدة في البيت.. ربنا كارمني أن أعمالي بتتعرض على الشاشة.. ولسة في حكايات كتير مع زملاء كتير هحكيها».