شموس نيوز – خاص
الفجر شق السما
ودخل لي م الشباك
نقطة ندي
ريحة براءة قلبها
وقعت على خدى
مع نسمة تشبه حسنها
لميت بواقي حلمها
صحصحتها وصحيت
وناديت لقلبي يضمها
ف اتسرسبت فيَّ
زقزق في صدرى
ضيها عصفور
شهقت عيوني
لما حست نور
من بين ضلوعها/ بينفلت
ويدوب في (...)
في العشق انا
ما اقبلش اي هزار
ولاعمري بعرف
امشي بالمندار
بخطف نهارمصلوب
فوق قلب ليل عتمه
واقلع جدار منصوب
وغضوب في وش اتنين
حبين وهو كمين
بيفًرق الصحبة
عن بنت بحر كبير
بشوقي انا بحكي
تشبه غزال شارد
وف ايدها سنارة
شبكت في قلبي النار
برقة (...)
أنا وهو
بقالنا سنين ماتتعدش
كده اصحاب
ومهما عني يتأخر
بقول راجع ولسه احباب
لاغاب عني غياب موصول
ولا في وشه قفلت الباب
وعمره ماساب في يوم عنوان
يغيب مايغيب
بيرجع لي صديق صادق
وناخد بعض بالأحضان
ساعات ييجي وانا بفطر
وبيجيني وانا صايم
كتير جاني وانا (...)