محمود بدر : زيادة الحد الأقصى وضرائب "البورصة" قرارات لصالح الدولة

أعلن محمود بدر منسق حركة تمرد، تأييده لقرارات زيادة الحد الأقصى وفرض ضريبة على الأرباح الرأسمالية للبورصة والضريبة المؤقتة، مؤكدا أنها قرارات تصف فى مصلحة الدولة، قائلا فى تدوينه على الفيسبوك: "من الآخر بقى أنا مقتنع جدا أن فى قرارات زى الحد الأقصى وفرض ضريبة على الأرباح الرأسمالية للبورصة والضريبة المؤقتة على من يتجاوز دخله المليون، كلها قرارات لصالح الدولة بجد".
وأضاف بدر "مقتنع اكتر أننا لازم نقلل عجز الموازنة عشان منورثش فقر وديون للأجيال الجاية، باختصار يعنى أنا مقتنع بالمسار لحد دلوقتى ومقتنع اكتر أن اللى جاى وقريب جدا هيكون لصالح الغلابة، فلو أنتو مش مقتنعين وادى الشعب اهو مؤهل بعد قرارات رفع الأسعار اتفضلوا اعملوا ثورة ".
كما أوضح بدر أن الخطوة القادمة هو تشديد الرقابة على الأسعار: قائلا "الخطوة الجاية اللى لازم نشوفها من الحكومة ومن الرئاسة هى تشديد الرقابة على الأسعار، ومحدش يوجعلى راسى ويقولى آليات السوق الحر والهجص ده، بما انك قررت تواجع بالعلاج المر يبقى لازم تكمل بقى للآخر عشان تحمى الفقرا اللى اعترفت أن سد عجز الموازنة هييجى عليهم هما كمان.