بدر بعد رفع الأسعار: إعملوا ثورة وشيلوا "السيسى" وحاكموه وأنا معاه

علق الناشط محمود بدر مؤسس حركة تمرد على قرار الحكومة برفع أسعار البنزين.
وأضاف عبر الصفحة الرسمية له:"من الآخر بقي ... أنا مقتنع جداً إن في قرارات زي الحد الاقصي وفرض ضريبة على الأرباح الرأسمالية للبورصة والضريبة المؤقتة علي من يتجاوز دخله المليون ، كلها قرارات لصالح الدولة بجد ... ومقتنع أكتر إننا لازم نقلل عجز الموازنة عشان منورثش فقر وديون للأجيال الجاية" وذلك بحسب كلامه.
وتابع:" باختصار يعني أنا مقتنع بالمسار لحد دلوقتي ومقتنع أكتر إن اللي جاي وقريب جداً هيكون لصالح الغلابة ... فلو انتوا مش مقتنعين وادي الشعب أهو مؤهل بعد قرارات رفع الاسعار اتفضلوا اعملوا ثورة وشيلوا السيسي وحاكموه ... شخصيا مستعد اتحاكم معاه وبنفس راضية جدا" وذلك بحسب تصريحاته.
وأردف:"الخطوة الجاية اللي لازم نشوفها من الحكومة ومن الرئاسة هي تشديد الرقابة على الاسعار ... ومحدش يوجعلي راسي ويقولي أليات السوق الحر والهجص ده .... بما إنك قررت تواجع بالعلاج المر يبقي لازم تكمل بقي للآخر عشان تحمي الفقرا اللي إعترفت إن سد عجز الموازنة هييجي عليهم هما كمان" وذلك بحسب كلامه
يذكر أن الحكومة قد اتخذت قراراًُ أمس برفع أسعار البنزين.