الكاتب الساخر مجدى فرج الشاعر يكتب عن : دبابيس فى بلد التفييس

*فى ايه يابا الحاج .. هوه الشعب ده ملوش أهل يسألوا عليه ؟؟ ههههه
*سوف تبكون على وطن كالنساء .. لأنكم لم تحافظوا عليه كالرجال .. صدام حسين !!
*بيقولك أنا لو عليه .. هحاسب اللى بيطلب الرقم وأحاسب اللى بيرد عليه .. دا الشعب كله ماشى وحاطط التليفون على ودنه . . طيب مجرد سؤال .. وسيادتك شفت الشعب فين ؟؟ دا كل اللى بتشوفهم معروفين بالاسم وبيقابلوك بكروت دعوة من قبلها بشهر .. ياريس .. احنا الشعب الجربان .. اللى مبتشفوش علشان العدوى .. بعيد عنك !!
*أنا خايف أشحن بعشرة جنيه .. تقولى رصيدك الحالى .. عليك خمسة جنيه .. هاتهم الأول .. قبل ماتطلب الرقم المطلوب .. ههههههه
*النهاردة عاشوراء .. ذكرى غرق .. وليد .. وهوه بيطارد سيدنا موسى ..
*طيب ناولنى الغبيط .. من عندك ياد . وتعالى علشان . نودى نقلتين السباخ دول الغيط.. هه
*هات يابنى .. الشنف .. اللى هناك ده .. وهات معاك .. المدرة .. علشان نملى بيها الشنف .. اتحرك ومتقفش باصصلى وانت عامل زى .. الناف كدة .. لغة لايفهمها الا الطيبين بتوع مركز المنصورة وفقط .. اول وتانى المنصورة هيقولك ترجملى ومش فاهم .. خليك كدة احسن .. معلهش .. هههههه
*جهاز حماية المستهلك .. صح النوم .. الاهى يقع عليكم حيطة مايلة تجيب أجلكم !!
*الشيخ سعد الهلالى .. بيقولك فرعون كان اسمه .. وليد .. ياراجل ياكداب .. داكان اسمه هيثم .. انما .. وليد ده كان اسم الدلع .. الاهى تتشخشخ ركبك ياشيخ ياهايف .. ناقص تقولى مراته كان اسمها هيفاء .. ياهايف ههههههههههههههههههههههههههههه
*الراجل معملش حاجة .. قالك بص هناك .. مش هزود المحروقات .. بصيت انت ناحية المحروقات .. اداك الحقنة بسرعة فى الكروت .. كلها كام يوم .. ويقولك مفيش زيادة فى الكروت .. وهب .. يولع فينا وفى المصلحة ويرفع المحروقات .. كم انت ماكر .. وكم نحن متنيلون بستين نيلة ياجدع .. هههههههههههههههههههه