دول العالم تواصل تسجيل إصابات ووفيات جديدة جراء عدوى فيروس كورونا المستجد    تسجيل 41 إصابة جديدة بكوفيد-19 في البر الرئيسى للصين    مدينة سيدني الأسترالية تستعد لمزيد من الفيضانات وأوامر بإجلاء 30 ألف شخص    الرئيس الجزائرى يوجه بمواصلة إثراء مشروع قانون الحريات النقابية وممارسة الحق النقابي    نجوم الفن والرياضة يهنئون بسنت حميدة علي حصدها الميدالية الذهبية الثانية في ألعاب القوى بدورة ألعاب البحر المتوسط    حمدو الهوني أول طلبات المدير الفني الجديد ل الأهلي    اتحاد الكرة: نهائي كأس مصر بحكام أجانب.. وننتظر مفاجأة الأمن    أحمد دياب: سنرحل بنهاية الموسم.. وجوائز كأس الرابطة أكبر من الدوري    مهاجم غزل المحلة يعلق على مفاوضات الزمالك لضمه    العراق.. شفاء مصابين بالاختناق وتوجيهات بإقالة المقصرين فى تسريب الغاز بذى قار    ضربات رادعة للمتعدين على الأراضى الزراعية بالشرقية    فضت غشاء بكارتها.. تلميذة تهتك عرض طفلة جيرانها بالمنصورة    برج الجدي اليوم.. سوف تجد حلاً لمشكلتك    وسائل إعلام: بولندا تلقت ضربة غير متوقعة من الاتحاد الأوروبي    خبراء الأمراض المعدية يحذرون الولايات المتحدة من خطر فقدان السيطرة على جدري القرود    أبرز 5 سيارات تويوتا SUV في السوق السعودي.. صور    الجيش البريطاني يعلن استعادة حسابه على «تويتر» و«يوتيوب»    كامل الوزير: مهندس في أمريكا قالي ياريت يبقى عندنا مونوريل زي اللي موجود في مصر    حازم نصر يكتب .. مستقبل التعليم الفني في مصر    طلاب جامعة الدلتا التكنولوجية يبدأون التدريب الصيفى بالهيئات والشركات | صور    مواقيت الصلاة اليوم الاثنين 4 -7 -2022 في القاهرة والمحافظات    افتتاح قسم الصيدلة الإكلينيكية بمستشفى الصالحية المركزي| صور    الثانية على الجمهورية فى الشهادة الفنية: بحلم أكون دكتورة فى الزراعة لخدمةًً أهالى الوادي الجديد    الاحصاء: 11 مليار دولار قيمة تحويلات المصريين العاملين بالسعودية لمصر    بكلمات مؤثرة.. حسن الرداد ينعي شقيقه فادي في الذكرى 19 لرحيله    إلهام شاهين عن ثورة 30 يونيو: كانت بمثابة المنقذ الحقيقي للمستقبل المصري    علي جمعة: الحجاب فرض.. والنقاب عادة وليس عبادة «فيديو»    وزير الداخلية السعودي ينشر فيديو لاستعدادات قوات أمن الحج    علاجات منزلية سريعة فعال للعيون الحمراء    حماية الأجنة من التشوهات.. فوائد العنب للحامل    طريقة عمل الثومية السوري    الصحة الكويتية: إتاحة الجرعة التنشيطية الثانية للقاح كورونا    وكيل تعليم كفر الشيخ يتفقد استراحات مراقبي الثانوية العامة ليلاً.. صور    ضبط 78 كيلو شعر طبيعي مهرب من بيروت مع راكب في مطار القاهرة    إصابة 3 في تصادم سيارتين على طريق مصر الإسماعيلية الصحراوى    مصرع شخص وإصابة 2 آخرين في حادث تصادم بالبحيرة    وزير المالية في رسالة طمأنة: الخزانة العامة للدولة تفي بكل التزاماتها واحتياجات المواطنين    من 1600 ل 1800 راكب في الرحلة.. القومية للأنفاق: القطار الخفيف يمثل أحدث تكنولوجيا النقل    دعمًا للصناعة .. المالية: أنفقنا أكثر من 35 مليار جنيه خلال ال3 سنوات الماضية    هاني شاكر يتقدم باستقالة رسمية من منصب نقيب الموسيقيين    3 ساعات من المتعة والإبهار .. المنتج محمد حفظي يشيد بفيلم كيرة والجن | شاهد    أيمن القيسوني يكشف أسرار تقديمه لبرنامج الدائرة.. فيديو    أيمن القيسونى: يوسف ضحية فى مسلسل يوتيرن    جودة عبد الخالق: لدي رؤية خاصة بالاقتصاد وما وصل إليه وإجراءات الخروج    متى تبدأ عرفة 2022 ؟.. استعد لصيامها بعد 99 ساعة    كأس رابطة الأندية المحترفة    ملف مصراوي.. انطلاق دوري السوبر.. تأجيل أمم إفريقيا.. وفيوتشر والمحلة إلى نهائي كأس الرابطة    أحمد دياب: مكافأة بطل كأس الرابطة أكبر من بطل الدوري    الشرطة الدنماركية تعلن حصيلة ضحايا إطلاق النار في كوبنهاجن    النائب العام السوداني يُشكل لجنة للتحقيق والتحري في أحداث مسيرات 30 يونيو    مصرع شخص فى حادث تصادم دراجة نارية بعربة كارو بالمنوفية    اليوم.. طقس البحيرة شديد الحرارة نهارا    البطلة بسنت حميدة: حلمى حصد ميدالية أولمبية    أخطاء شرعية يقع فيها الحاج والمعتمر    أخبار التوك شو.. السيسي: الإخوان عندهم مشكلة في عدم الفهم.. الوزير: تغليظ عقوبة التدخين أو التهرب من التذكرة    مسؤول بالأوقاف: صلاة عيد الأضحى في الساحات والمساجد الكبرى.. وأطفال البرنامج الصيفي يشاركون    ما حكم التدخين أثناء أداء مناسك الحج والعمرة ؟.. أمين الفتوى يجيب    جبالي: تعديلات "قادرون باختلاف" تشمل اسم الصندوق فقط وليس قانون ذوي الإعاقة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



قصة .. أرواح بين عالمين.. ..بقلم: دعاء حسن♡
نشر في الزمان المصري يوم 07 - 07 - 2021


أحنا فريش و فرافيش…أحنا فريش نحب نعيش.
……./انتي يا أستاذه مريم فريش أتلميييي.
مريم ب ضيق/عايزه ايه يا دعاء الواحد زهقان الاااه.
دعاء ب سخرية/علشان زهقانه تغني احناا في رمضاااان أتلميييي يا أختااااه.
مريم/طيب طيب فاضل قد ايه علي المغرب الواحد جعان أوي.
دعاء ب يأس/خلاص هاانت..أفتكري بقا اني عزمتك علشان بكره تعزمينيي.
مريم ب ضيق وهي تنظر الي المطعم الفخم الذين يجلسون فيه/نينينينينينيني بكره تعزميني..هو انا معايا أجبلي أكل و كمان ميزو كان هيأكلني النهاردة.
دعاء وهي تلقي عليها الزجاجة/ميزو يا واطيه علشان قولتلك خدي شهر رمضان أجازة من الاولاد اللي ماشيه معاهم..
مريم ب تذمر/الااااه منا سمعت كلامك قطعت علاقتشي بكل الشباب اللي أعرفها ألا ميزو و شطة و وزه و شاكوش و بندق.
دعاء وهي تنظر لها ب صدمه/اتتي بتصحبي كلااب؟ ايييه الاسماء دي.
مريم ب عصبيه/متشتميش كلابي قصدي متشتميش صحابي خليكي يختي مع مصطفى حبيب القلب.
دعاء ب هيام/هييييح هو في زي مصطفي خطشيبي ده مز المز..يختيي أستغفرالله اللهم اني صايمه.
مريم ب أبتسامة/خلاص هانت يوم العيد فرحكوا بعد 12 سنه حب.
دعاء ب نبره ذات مخزه/و عقبالك انتي كمان مع حد يستاهلك.
مريم ب حزن/محدش يستاهلني غير كريم..
دعاء وهي تجلس ب جانبها/والله كريم مش بيحبك لو بيحبك مكنش ده هيبقا حالك ربنا خلاه يبعد عنك لانه مش خير ليكي.
مريم ب أبتسامة حزن/كل حاجه بتبعد عني يبقا كل حاجه مش خير؟.
دعاء ب غمزه/انا لسه معاكي من 18 سنه صحوبية.
مريم ب حب/ربنا يديمك ليا يارب.
دعاء ب ضحكه وهي تجلس مكانها/بس هنتفهم غلط.
مريم ب ضحكه وهي تنهض/هيهيهي محدش ليه عندنا حاجة يا أختشي..هروح الحمام و هاجي.
أبتسمت لها..اه انا دعاء وهي مريم أصدقاء منذ 18 عام..دائما مع بعض في كل شئ..شخصيتنا مختلفه لكن دائما أحاول أن أصلح منها..انا مخطوبه عندي أخ صغير و أخت و بابا و ماما عايشين لكن عندي أخ أكبر من متوفي..لكن مريم ولدها متوفي عندها أخت بس..
دعاااااااء سرحاااانة فييي ايييييه…كانت تتحدث مريم وهي تشرب من التمر.
دعاء بانتباه/ها ولا حاجة..ايه ده انتي بتشربي ليه.
مريم ب ضيق/انا قولتلك بطلي نوع الحشيش ده مصدقتنيش المغرب أذن بقاله ساعه وانتي سرحانه.
دعاء وهي تشرب من التمر/خلاص يختي في ايه.
مريم وهي تنظر الي التلفاز/اييه ده رامز جايب حمو بيقا و البت الرقاصه.
دعاء ب ضيق/اسمه بيكا مش بيقا يا جاهلة.
مريم وهي تأكل/بقولكك اييه انا أحب اقولها كده.
دعاء بلامباله وهي تعبث في هاتفها/يختي اتنيلي.
مريم وهي تنظر لها/انتي اللي بتنيلي ايه..ماسكه الفون و سايبه الاكل.
دعاء/بحب كل يوم مع ألافطار أنزل بوست فيه أدعيه و بوست فيه يصلوا علي الرسول.
مريم/طب كلي و بعدين نزلي مش هيطيروا.
دعاء ب عصبيه/بدل م تقولي انا كمان أنزل.
مريم وهي تركز علي الطعام/محدش بيعبرني ب لايك و حياتك.
دعاء/غبيه حتي لو محدش بيعملك لايك علي ألاقل هيبان البوست.
مريم ب تذمر/خلاص بقا ياست أنتي بعد ماكل هنزل.
دعاء ب سخريه/أطفحي ياختي كله بفلوسي.
مريم وهي تنظر لها ب ضيق/هتذليني خلاص مش جعانه نفسي اتسدت.
دعاء وهي تنظر الي ألاطباق التي لم يتبقي منها شئ/أتسدت؟ أومال لو مفتوحه.
مريم ب تذمر طفولي/متحكيش معي تاني ليش بتكرهيني.
دعاء ب أبتسامه/خلاص خلاص بالهنا و الشفا يا حبيبتي..
☆☆☆☆☆☆
مريم وهي تصقف/ردي عليا يا ياسمييين كل ألابراج لاقطيين.
دعاء ب يأس/مش ناوية تتلمي.
مريم ب غيظ/بقولك ايه المغرب مأذن بقالوا ساعة و الشارع اللي ماشيين فيه فاضي يبقا أسكت ليه..
دعاء/اللي حرام قبل المغرب حرام بعد المغرب.
مريم ب ضيق/خلاص يا شيخه سكت.
دعاء/لا مش خلاص لو موتي دلوقتي هتقولي ايه ل ربنا كنت بغني علشان فطرت.
مريم/لما أموت ربنا يحلها.
كادت دعاء تتحدث لكن توقفت علي صوت 3 شباب من خلفهم و أحد منهم يقول/اوباا يا مزه منك ليها هاتوا حته من ألايس كريم ده.
دعاء ب همس وهي تمسك يد مريم/مترديش عليهم و امشي.
كادت مريم ترحل مع دعاء لكن وقع ألايس كريم الذي تحملوا علي ألارض ل تنظر الي الشباب ب ضيق وهي تقول/عنيكوا علي ألايس كريم اهو وقع علي ألارض ربناا يبتليكوااا بمصييبه.
أحد الشباب/شكلك عايزه تتربي يايت أنتي.
ل تنظر ألاثنتين ألي بعض..ل تمسك دعاء يديها/أجري ياا مجدييي.
ظل الفتيات تركض و خلفهم الشباب ل تصرخ دعاء ب مرح/ياااناااااس ألحقونااااااا بيتحمرشواااا فيناااااااا.
ل تكمل مريم/يختيييييييي انتوااا ياااابشششششر..
بعد دقائق نظرت الفتيات خلفهم لم يجدوا أحد ل تجلس دعاء علي ألارض بتعب قائله/منك لله نفسي أتقطع.
مريم وهي تجلس ب جانبها/واناا ماليي الاااه.
دعاء ب ضحكه/ربنا يبتليكواا بمصيبه نينينينينينيني لازم تدعي عليهم.
مريم ب تذمر/حسدوا ألايس كريم.
دعاء وهي تنهض/طب يلا علشان نلحق صلاة التراويح..
مريم/اصتوبري شويه طيب أللااه.
دعاء ب غمزه/لسه فاضل نص ساعة..تيجي نفرقع بومب.
مريم وهي تنهض ب حماس/تعالي و نعمل سباق ل أخر الشارع واللي يخسر يعزم التاني بكره..
دعاء وهي تستعد/اشطاا يلا.
و بالفعل بداء السباق في الشارع كان لا يوجد به أحد غيرهم ألا صوت ضحكاتهم و صوت ألالعاب الناريه الذين يفرقعونها..كاد الشارع علي الانتهاء و كانت ألاثنتين في نفس ألمستوي..عندما أنتهي الشارع كانت مريم هي التي ربحت عندما جاءت تصرخ ب فرح لم تكتمل بسبب ظهور سيارة من شارع جانبي أصتدمت بالفتيات..ل تقع كلا منهم علي ألارض حول بحيره من الدماء…
☆☆☆☆☆☆☆☆☆☆☆☆☆☆☆
في صباح اليوم التالي..كنت أستمع الي صوت بكاء و صراخ لم أعرف لما..كل ما أتذكره اني عملت حادثة انا و مريم..لكن الغريبه لا أشعر بوجع في جسدي!!..لكن عندما فتحت عيوني وجدت أمي تجلس و تبكي ب شده و كذلك أبي و أختي و عمي و الكل لكن الغريبه كانوا يرتدون أسود فقط!!.
نهضت سريعا و ذهبت الي أمي وانا أمسك يديها/ماما بتعيطي ليه و الكل بيعيط ليه ايه الاسود ده..
لكن لم تجاوب عليا بل بكائها يزيد أكثر و أكثر..نظرت أليهم ب خوف لماذا أشعر اني شخص شفاف بينهم!!….بعد قليل نظرت لهم و تحدثت ب عصبيه/في ايييه محدش بييرد علياا ليييه متعصبوونيييش..
أتصدمت عندما لا أحد ألتف حتي لي كان الكل يزداد بكاء فقط..لكن مهلا أبي ينظر عليا وهو يأتي ألي..أبتمسمت ب فرحة و ذهبت أليه لكن تصنمت مكاني عندما مر من خلالي!! نظرت أليه وجدته يذهب الي الفراش الذي كنت أنام عليه..و كان أحد ينام عليه..و كان ابي يغطي وجهه وهو يبكي..أبتلعت ريقي بتوتر وانا اذهب الي الفراش و أرفع الغطاء عن وجهه..شهقت ب صدمه وانا أري فتاه تشبهي تماما هي التي تنام علي الفراش!! و كانت ترتدي نفس ملابسي الذي كنت أرتديها أثناء الحادثه..و كان وجهها مغطي ب بعض الجروح لكن أبتسامة جميله تزين وجهها الذي يشع نورا.. لم أعرف ماذا افعل..لكن جلست مكاني وانا انظر الي التي تنام و أليهم..
بعد قليل دلفت زوجة عمي و بنت عمي وهم يبكون..و ذهبت أبنت عمي وهي تضم أختي و تبكي..لكن أنتبهت حواسي الي زوجة عمي وهي تتحدث/حصل ايه يا أم دعاء كل ده حصل أزاي.
ولدة دعاء ب بكاء/والله معرفش حاجة كل اللي اعرفوا دعاء أخدت مريم علشان يفطروا بره..علي العشا كده لقيت دعاء بتتصل و لما فتحت لقيت صوت راجل بيقول صاحبة التيلفون ده و معاها واحده كمان عاملين حادثه.. روحنا بسرعة و لقينا الوقت فات و ماتوا و محدش عارف أزاي..
زوجة عمي/لا حول ولاقوة الابالله بنات زي الورد ربنا يرحمهم و يصبرنا..
كنت استمع اليهم بصدمه..وانا لا أفهم شئ لو انا موت كما يقولوا كيف أتحرك هكذا..يعني هذه الذي تنام علي الفراش هي جثتي؟! توقفت عن التفكير عندما دلف شاب ما كان يبدو عليه أنه شرطي..
والد دعاء/ها يابني لقيت حاجة او ماتوا ازاي مين اللي عمل فيهم كده.
الضابط/هما عملوا حادثة..العربيه خبطتهم كان فيها ولاد سكرانه..تقريبا خافوا ليكونوا ماتوا ف هربوا بسرعة..يعني لو لحقوهم كان زمانهم عايشين..
والدة دعاء/اااه يابنتي حسبي الله ونعم الوكيل فيهم يارب خد حقهم يارب.
والد دعاء/ازاي عرفت.
الضابط/الشارع كان فيه كاميرات صورت كل حاجه..ده الفيديو طلع ترند علي الفيس و الكل بيقول عايزين حقهم.
زوجة عم دعاء/ااه يا حبايبي كل الناس بتدعي ليكوا بالرحمه دلوقتي.
والدة دعاء/ونبي عايزة اشوف الفيديو..عايزه اشوف بنتي أخر حاجه كانت بتعملها ايه كانت بتقول ايه..
نظرت لهم ب عدم أستيعاب..ثم أنفجرت في الضحك/تشوفي اييه بس بنتك كانت بتلعب و بتفرقع بومب اااه يااربي يعني انا دلوقتي شبح و محدش شايفني..
والدة دعاء ب بكاء شديد وهي تشاهد الفيديو/يعيني عليهم سامع صوت ضحكتهم..حسبي الله ونعم الوكيل ف اللي كان السبب..
كنت أشاهدهم وانا أنظر اليهم ب ضيق/دلوقتي بتعيطوا عليا منا كنت موجوده معاكوا و كنتوا بتمرمطونييي تبااا لكم لو مريم كانت هنا….توقفت عن الحديث وانا أتذكر مريم أين هي؟ لقد ماتت مثلي أين الشبح..نظرت لهم وانا أغادر الغرفة كان خارج الغرفة يقف جميع شباب عائلتي..نظرت الي الجانب ألاخر من المستشفي كان عم مريم يقف..ذهبت الي الغرفة التي ب جانبه..و جدت ولدتها و أختها و عديد من الفتيات كان الكل يبكي..لكن علي الفراش كان يوجد أحد ينام..ذهبت أليه و عندما رفعت الغطاء..ظهر وجه مريم كان ايضا يوجد به بعض الجروح لكن كان معتم عكسي وجهي يشع نوراً…قبلت جبينها وانا أضع الغطاء عليها..كنت أنظر الي الكل وانا أبحث عن روحها..لكن لم أجدها بينهم..يمكن الان روحها في السماء وانا فقط التي هنا..
غادرت غرفتها و جلست علي المقعد وانا أنظر الي الكل..لكن لفت نظري فتاه تجلس في أخر الممر ترتدي فستان جميل من ألون الاسود و كان شعرها ينسدل علي ظهرها..لم أعرف من هي لكن ذهب أليها..كانت تنظر الي ألاسفل لكن وجدتها تنظر أليا ب صدمه..لكن أيضا صدمتي لم تكن أقل منها لانها كان مريم!..
مريم ب صراخ وهي تضمني/دعااااء انتي جتيلي يعني شيفانيي صح.
دعاء ب فرحة وهي تضمها/ايواا شيفااكي
مريم ب ضيق/أومال الناس اللي جوا دوول مش بيردوا عليا ليه.. و كمان بنت شبهي نايمه علي السرير.
دعاء وهي تحرك رأسها ب نفي/لا دي مش شبهك..دي جثتك يا قلبي.
مريم ب عدم أستيعاب/جثتي؟!
دعاء ب تنهيده/ااه أحنا أرواح موتنا خلاص..و ظلت تقص عليها كل شئ.
مريم ب فرحة/قوليي والله.. يعني محدش شايفني..ده احنا هنخربها.
دعاء ب ضيق/بلا نيله..المهم الفستان الاسود عليكي يجنن.
مريم وهي تلتف حول نفسها/مزه طول عمري حتي وانا ميته.. وانتي كما…ايه ده اشمعني فستانك أبيض و في تاج علي راسك.
نظرت دعاء خلفها بأستغراب الي المرآه..كانت ترتدي فستان يضيق من فوق و يتسع من ألاسفل و كان أبيض يشع ضوء قوي.. و كانت ترتدي حجاب أيضا من ألون ألابيض..و تاج فوق رأسها من الون ألابيض ألامع..ل تتحدث بأنبهار/ده انا لو فرحي مش هبقي قمر كده.
ااه ياختي انتي فرحك وانا عامله زي اللي خارجة من جنازة…كانت تتحدث مريم وهي تنظر الي نفسها عبر المرآه..كانت ترتدي فستان مثل دعاء لكن من الون ألاسود…و شعرها ينسدل الي منتصف ضهرها…لكن يوجد علي عنقها عقد من ألون ألاسود..
دعاء ب ضحكه/لااا والله شكلك قمر اوي..
مريم ب ضيق/أشمعني انتي ابيض وانا أسود.
دعاء ب غمزه/كل واحد بيلبس علي حسب لون قلبه..
مريم وهي تضربها/وااطييييه.
دعاء ب ضحكه/خلااص خلاص معرفش والله.
مريم ب خوف/ليكون انتي هتدخلي الجنه وانا النار.
دعاء ب بعض القلق/لالا اكيد خير أن شاء الله
مريم ب بكاء/لالا أيه بس..انتي صح مش قريبه من ربنا أوي لكن بتصلي و بتصومي و بتقرأي قرأن..لكن انا كل يوم مع واد شكل و سجاير و لبس قصير.
دعاء ب أبتسامه وهي تضمها/لااا ربنا رحمته وسعه علشان بقيتي تلبسي طويل من اول رمضان و كمان بتصلي يمكن ربنا سامحك ألله اعلم.
مريم ب أبتسامه/بحبك أوي.
دعاء ب غمزه/م أنا عار…
مريم ب أستغراب/مالك يابت تنحتي كده ليه..
لم تجاوب دعاء ل تنظر مريم الي ما تنظر أليه…و كان مصطفي خطيب دعاء يقف مع والدها..ل تتحدث مريم ب حزن/خلاص يا دعاء ربنا يرحمنا مفروض تزعلي لو هو اللي مات..
دعاء وهي تضربه ب ضيق/انتي جبله يابت انا زعلانه اني موت و حب عمرنا ضاع و اكيد هيدمر من بعدي..شايفه بيعيط أزاي.
مريم ب تنهيده/ربنا يصبرهم كلهم..متخفيش مهما كان في ألاخر هيتجوز.
دعاء وهي تركض خلفها/و حياة امك بتعصبيني أكتر.
مريم ب أستفزاز/أكدب يعني.
توقفت دعاء عن الركض وهي تجد الضابط يقف مع الدكتور و والدها..ل تمسك مريم و تذهب أليهم..
والد دعاء/نقدر ناخدهم أمته علشان الدفنه.
الضابط/مش هينفع يندفنوا مدام اللي قتلهم هربان.
الدكتور/جسمهم و روحهم مش هيرتاحوا.
والد دعاء/طب هنعمل ايه..محدش عارف امته هنمسكهم.
الضابط/انا شغال بنفسي لحد ماقبض عليهم..و الجثث تفضل في التلاجة.
والد دعاء/ربنا ينتقم منهم.
مريم وهي تنظر الي دعاء/سامعه يابت اللي بيقولوا ولا أكننا في فيلم هندي.
دعاء ب صدمه/لاا عارفه فيلم أيام صعبه لما دخل التربه لما كل حاجه بانت احنا زيه كده.
مريم وهي ترحل/يلا كده كده أشباح مش هتفرق.
دعاء وهي تذهب خلفها/رايحه فين.
مريم ب حماس/هروح أتمشي بين الناس و أخوفهم..
دعاء ب ضحكه/يلاا أهوو اتسلي..
☆☆☆☆☆☆☆☆☆☆☆☆☆☆☆☆☆
في اليوم الثاني كانت الفتيات تجلس في العزا الخاص بهم وهم ينظرون إلي كل من يجلس و يستمعون إلي أحاديثهم ألجانبية…ل تشهق مريم بضيق وهي تستمع إلي فتاة ما وهي تقول:
– دي مريم دي بيقولوا عليها بتاعة ولاد كانت مش مضبوطة يا أم خالد.
أم خالد ب تهكم/اها يا فتحية وانا كنت هجوزها لأبني.
فتحية وهي تضع يديها علي صدرها/تفي من بوقك ده خالد ابنك سيد الرجالة ميستهلهاش.
كانت دعاء تضحك علي شكل مريم الذي كانت تود إن تقتلهم ل تقول ب غضب:
– ااااه ياني بقا الكلااب دووول يقولوا عني كده والله…
توقفت عن الكلام وهي تستمع الي أم خالد وهي تقول:
– يلا اهو خلصنا منهم.
ل تتحدث أبنة فتحية تدعوا عبير قائلة:
– في ايه يا ماما بتتكلموا علي البنات في العزا بتاعهم دول بين إيديين ربنا ادعوا ليهم بالرحمة و المغفرة بدل الكلام ده..وانتي يا خالتي زعلانه علشان مريم رفضته ماهو متجوز اتنين اكيد هترفض.
نظرت كلا من فتحية و أم خالد ل عبير بضيق و تحدثوا في مواضيع أخري…ل تنتهد دعاء ب سخرية وهي تنظر الي كل النساء الذين في العزا ل تتحدث بخفوت:
– جدي كان معاه حق لما قالي إن محدش بيرحم حد..حتي في العزا هيتكلموا عن الميت و محدش بيزعل علي الميت غير أبوه و أمه..حتي أخواته هيكملوا حياتهم عادي.
نظرت إليها مريم ب حزن..ل تغير الحديث و تتحدث ب مرح:
– جدك ده كان شاعر و كراشي ألاول.
ضحكت دعاء ب خفوت قائلة:
– كان كراش صحابي كلهم يلا ربنا يرحمه.
و يرحمنا يختي…بقولك ايه متيجي نتمشي زهقت من العزا ممل ده…كانت تتحدث مريم وهي تقف و تمشي بين النساء.
ل تضحك دعاء عليها وهي تنهض خلفها قائلة:
– العزا الممل ده بتاعك يختي..يلا فعلا تصدقي ملل.
ل تخرج ألاثنتين وهم يذهبون إلي ناحية الرجال كان يوجد كثير يعرفوهم و ايضا كثير لاء..ل تنتفض دعاء علي صريخ مريم وهي تقول ب سعادة:
– عاااااا كريم..شوفتي قولتلك كيموو بيحبني و مصدقتنيش..أهو جه يعني بيحبني.
نظرت إليها دعاء باستنكار من تفكيرها..ل تتحدث بضيق:
– يمكن هو جه علشان جارك مش أكتر مش لازم يحبك.
لم تهتم إليها مريم بل ذهبت إلي كريم حيث يجلس مع رفقاته….و ذهبت خلفها دعاء وهي تتحدث بتأفف:
– يخربيتك تعالي هنا…علشان قولتي الجو ملل ريحاله ليه بقا.
مريم و هي تجلس إمام كريم و تستمع له هو و أصدقائه:
– هنشوف هيقولوا ايه و بعدين نمشي.
بدء صديق كريم يتحدث إليه عندما لاحظ علامات الضيق مرسومه علي وجه قائلا بهمس:
– أيه يا كيمو زعلان ليه..متقوليش انك زعلان علي مريم.
أخد كريم أنفاسه ببطئ قبل إن يجيبه بهدوء:
– طبعا لازم أزعل عليها…أو علي نفسي علشان ملحقتش أتقدم خطوة.
أطلعت مريم ل دعاء بنظرات ذات مغزه "گأنها تقول لها هل رأيتي أنه يحبني"..لكن نظرت بصدمة إلي كريم عندما أكمل كلامه ب حقد واضح في عيونه قبل كلامه:
– أتقدم خطوة اني ألعب عليها أكتر و أكتر لحد ماتجوزها عرفيّ بس الموت أخدها مني.
صديق كريم ب صدمه من كلام رفيقه:
– ت أيه يخويا..علشان بتحبها.
تحدث كريم بسخرية وهو يشعل سيجارة:
– عمري ماحبيتها و أحبها ليه اصلا..هي اللي بتحبني و بترمي نفسها عليا يلا اهي غارت في داهيه.
أمسكت دعاء مريم سريعا و رحلت بها من أمامهم عندما وجدتها تبكي بقوة عندما أستمعت إلي كلمات كريم…ذهبت بها إلي خارج العزاء و هي تضمها بشدة و تربت علي كتفها..فاهي تعلم انها تعشق كريم لكن هو كان يلعب بها فقط..لكن أنتبهت إلي مريم عندما تحدثت من بين نوبة بكائها:
– طب انا عملت ايه وحش علشان يفكر فيا كده..ده طول عمري بدعيله و بتمني اننا نتجوز و دايما بتمناله الخير.
ضمتها دعاء عليها أكثر وهي تقول:
– مش كل اللي بيتمناه قلبنا بيحصل في حاجات مش هنقدر نغيرها..خلاص احنا أموات وجدنا زي عدمه لكن ربنا مش هينسي قهرتك دي و كما تدين تدان.
أومأت مريم وهي تمسح دموعها بعنف و تردد كلمات دعاء:
– كما تدين تدان.
☆☆☆☆☆☆☆☆☆☆☆☆☆☆☆☆☆☆☆☆☆
"بعد مرور شهر" كانت الفتيات بعد العزاء سافرو إلي عدة بلاد حتي يتم القبض علي القاتل..و ها هما ألان يرجعون إلي منازلهم لكن سوف يذهبون إلي منزل مريم ألأول..صعدت كلا منهم إلي منزل مريم لكن توقفوا بصدمه عندما أستمعوا إلي صوت أغاني و ضحك يأتي من غرفة أخت مريم..ل تتحدث مريم بسخط إلي دعاء:
– لاء واضح اننا جينا في وقت غلط.
أمسكت بها دعاء وهي تدلف إلي الداخل و تحدثت بهدوء:
– أهدي يمكن حصلت حاجه أحنا منعرفهاش…
توقفت عن الكلام عندما وجدت ولدت مريم تتحدث إلي عمها بضيق:
– معقول هنعمل فرح ل علياء(أخت مريم) و مريم لسه جثتها مدفنتش ولا لقينا القاتل.
أتنهد بحزن عم مريم وهو يجلس:
– هنعمل أيه العريس عايز كده أو هنلغي الفرح.
مريم بدموع: هي ليه الناس قلبها حجر كده ده لسه مفتش ألاربعين علي موتنا.
دعاء وهي تضمها بحنان:
– معاه حق هو بيحب علياء بقاله خمس سنين مره جدي يموت و مره ابوكي و مره اخويا و بعدين احنا الواد زهق.
أبتسمت مريم وهي تمسح دموعها:
– ده فقر أوي.
دعاء وهي ترحل/جدا..تعالي نشوف أختك عاملة ايه.
دلفت كلا منهم إلي غرفة علياء..كان أصدقاء علياء يرقصون علي ألاغاني لكن علياء كانت في أخر الغرفة وهي تمسك صورة..ذهبوا إليها وجدوها تمسك صورة مريم وهي تبكي و تتحدث معاها:
– أسفه عارفه انك زعلانه مني بس والله غصب عني..كان نفسي تكوني معايا انتي و دعاء بس الموت أخدكم مني..بس فرحانه انكوا موتوا في رمضان في ايام مباركة زي دي و اكيد شوفتي بابا و شوفتوا أهلنا كلهم سلميلي عليهم تعليلي و نبي في أحلامي و قوليلي انك مش زعلانه..
أطلعت دعاء وهي تمسح دموعها علي مريم الذي أتجهت إلي علياء تضمها بقوة و كانت علياء مزالت تتحدث إلي صورة مريم…ذهبت دعاء وهي تمسك مريم و هي تقول لها:
– تعالي نمشي نروح عندنا و سبيها تفرح ربنا يتمملها علي خير.
أومأت مريم وهي تذهب مع دعاء و بعض دقائق وصلت كلا منهم إلي منزل دعاء كان الجو هادي…رأت دعاء و لدها و لدتها وهم يجلسون علي وجههم علامات الغضب ل يتحدث ولدها بضيق:
– يعني الحيوان ده مقدرش يستحمل حتي تدفن و راح خطب و اتجوز علطول.
أمسكت دعاء يد مريم وهي تنظر لها بتوتر و خوف:
– هما بيتكلموا علي مين خايفه لبكون قصدهم علي مصطفى (خطيب دعاء)
كادت مريم تتحدث لكن توقفت عندما تحدثت ولدت دعاء بضجر:
– حسبي الله ونعم الوكيل فيه ازاي لحق ينسي دعاء و يكتب كتابه علي بنت خالته قال ايه أمه غصبت عليه.
عند هذه الكلمات جلست دعاء علي ألارض وهي تشهق بقوة هل هذا الحب الذي دائما تتحدث بفخر عنه و أنه لن ينساها مطلقاً لكن ماذا ألان تزوج بفتاة أخري قبل إن يتم شهر علي موتها…جلست بجانبها مريم وهي تحضنها و تواسيها قائله بهدوء:
– طيب زعلانه ليه كده كده ميته مش عايشة.
تحدثت دعاء وهي تحاول منع بكائها:
– انا زعلانه علشان قدر ينساني بسهولة كده…
توقفت عن أستكمال حديثها عندما وجدت والدها يغلق الهاتف يتحدث بسعادة إلي ولدتها:
– اخيرا يا أم دعاء مسكوا القاتل كانوا شابين سكرانين و أتحكم عليهم أعدام بسبب المخدرات كمان و هيتنفذ بعد يومين.
نظرت كلا من دعاء و مريم إلي بعضهم بسعادة مختلطه بخوف فقط يومين و ستذهب كلا منهم إلي أخرتها…
☆☆☆☆☆☆☆☆☆☆☆☆☆☆☆☆☆☆☆
بعد مرور يومين كانت تجلس دعاء و مريم كلا منهما تنظر إلي جثة مريم….ف تم تنفيذ حكم ألاعدام و ألان حان وقت إن تدفن كلا منهم و كانت مريم سوف تدفن ألاول ثم دعاء..
نظرت دعاء إلي مريم وهي تحضن أهلها ثم توجهت إليها وهي تقول بدموع:
– مش عارفه ليه حاسه أنها ممكن تكون النهاية و أني مش هشوفك تاني أعرفي انك اكتر حد بحبه.
دعاء وهي تضمها ف هي تشعر بنفس الشعور:
– متخافيش ان شاء الله هنتجمع في الجنة ألمهم أفتكري ان ربك الله و دينك ألاسلام و نبيكي محمد.
أومأت لها مريم بخوف…ل تقول لها دعاء بمرح تعالي نشوفهم وهما بيغسل…لكن توقفت عن الكلام عندما وجدت مريم أختفت من أمامها ظلت تبحث عنها لكن لم تجدها…في نفس الوقت بدأت النساء في غسل جثة مريم…بعض وقت أنتهوا من تغسيلها و تكفينها..ذهبت دعاء سريعا وهي تقبل رأسها قائله:
– مريم خلاص دلوقتي هتدخلي قبرك و هتندفني انا عارفه انك بتصلي و اكيد هتفتكري أمتحان القبر عايزة نبقا مع بعض في الجنة..
توقفت عن الحديث عندما وجدت الرجال يحملون النعش و يرحلون به…لكن كان النعش يتحرك بطيء شديد أكن مريم تعرف نهايتها ولا تريد الذهاب….بعد وقت طويل تم وصولهم إلي المقابر و قاموا بدفنها بعد إن صلوا عليها…ظلوا واقفين يقولون لها دعاء و قرأن ثم رحل ألكل ألا دعاء التي ظلت تنظر إلي القبر قائلة بهمس:
– هنتقابل إن شاء الله في الجنة.
لكن عندما خرجت خارج المقابر توقفت بصدمه عندما أستمعت إلي صوت مريم وهي تصرخ و تقول "يا أهلي يا عشيرتي لا تلعبن بكم الدنيا كما لعبت بي..ألمال لكم و الحساب علي. " ظلت هذه الكلمات تترد و كانت دعاء تنظر إلي البشر الذي حولها كان يبدو عليهم إنهم لم يستمعوا إلي شئ…ل ترفع رأسها إلي السماء وهي تتمني إن تكون مريم في الجنة ألان…ثم نظرت إلي المقابر وهي تقول:
– انتوا إللي روحتوا واحنا إللي هنيجي بعديكوا.
بعد مرور الوقت ذهب الكل من جديد إلي ألمستشفي من أجل تغسيل جثة دعاء…بالفعل عندما بدات النساء في تعسيل دعاء…وجدت دعاء ملكان ينزلان من السماء و معهم حنوطي..ركبت به دعاء و بدء يرتفع بها وهي تري كل شئ حتي وصلت إلي السماء توقفت عندما ملك الذي يقف عند بوابة السماء تحدث:
– روح من هذه الطيبه؟
تحدثت الملائكة الذي مع دعاء:
– روح دعاء أبنت أبراهيم.
ل تجد دعاء إن باب السماء فتح إليها ليعبروا منه و عندما توقفوا أمام كل سماء…يسأل ملك السماء نفس السؤال و يرد عليه الملائكة الذي معها بنفس الرد….حتي وصلت إلي أخر سماء سمعت أحد يتكلم لكن لم يكن موجود قائلا:
– أكتبوا كتاب عبدي في عليين و أعيدوه إلي ألارض..فإني منها خلقتهم..و فيها أعيدهم و منها أخرجهم تارة أخري..
كانت دعاء لا تصدق نفسها لكن تذكرت الرسول الله عندما قال.إِنَّ الْعَبْدَ الْمُؤْمِنَ إِذَا كَانَ فِي انْقِطَاعٍ مِنْ الدُّنْيَا، وَإِقْبَالٍ مِنْ الْآخِرَةِ نَزَلَ إِلَيْهِ مَلَائِكَةٌ مِنْ السَّمَاءِ، بِيضُ الْوُجُوهِ كَأَنَّ وُجُوهَهُمْ الشَّمْسُ، مَعَهُمْ كَفَنٌ مِنْ أَكْفَانِ الْجَنَّةِ، وَحَنُوطٌ مِنْ حَنُوطِ الْجَنَّةِ، حَتَّى يَجْلِسُوا مِنْهُ مَدَّ الْبَصَرِ، ثُمَّ يَجِيءُ مَلَكُ الْمَوْتِ – عَلَيْهِ السَّلَام – حَتَّى يَجْلِسَ عِنْدَ رَأْسِهِ، فَيَقُولُ: أَيَّتُهَا النَّفْسُ الطَّيِّبَةُ اخْرُجِي إِلَى مَغْفِرَةٍ مِنْ اللَّهِ وَرِضْوَانٍ"، قَالَ: "فَتَخْرُجُ تَسِيلُ كَمَا تَسِيلُ الْقَطْرَةُ مِنْ فِي السِّقَاءِ، فَيَأْخُذُهَا فَإِذَا أَخَذَهَا لَمْ يَدَعُوهَا فِي يَدِهِ طَرْفَةَ عَيْنٍ، حَتَّى يَأْخُذُوهَا فَيَجْعَلُوهَا فِي ذَلِكَ الْكَفَنِ، وَفِي ذَلِكَ الْحَنُوطِ وَيَخْرُجُ مِنْهَا كَأَطْيَبِ نَفْحَةِ مِسْكٍ وُجِدَتْ عَلَى وَجْهِ الْأَرْضِ"، قَالَ:"فَيَصْعَدُونَ بِهَا فَلَا يَمُرُّونَ – يَعْنِي بِهَا – عَلَى مَلَأٍ مِنْ الْمَلَائِكَةِ، إِلَّا قَالُوا مَا هَذَا الرُّوحُ الطَّيِّبُ؟ فَيَقُولُونَ: فُلَانُ بْنُ فُلَانٍ، بِأَحْسَنِ أَسْمَائِهِ الَّتِي كَانُوا يُسَمُّونَهُ بِهَا فِي الدُّنْيَا، حَتَّى يَنْتَهُوا بِهَا إِلَى السَّمَاءِ الدُّنْيَا، فَيَسْتَفْتِحُونَ لَهُ فَيُفْتَحُ لَهُمْ فَيُشَيِّعُهُ مِنْ كُلِّ سَمَاءٍ مُقَرَّبُوهَا إِلَى السَّمَاءِ الَّتِي تَلِيهَا، حَتَّى يُنْتَهَى بِهِ إِلَى السَّمَاءِ السَّابِعَةِ، فَيَقُولُ: اللَّهُ – عَزَّ وَجَلَّ – اكْتُبُوا كِتَابَ عَبْدِي فِي عِلِّيِّينَ، وَأَعِيدُوهُ إِلَى الْأَرْضِ، فَإِنِّي مِنْهَا خَلَقْتُهُمْ، وَفِيهَا أُعِيدُهُمْ وَمِنْهَا أُخْرِجُهُمْ تَارَةً أُخْرَى"
فاقت دعاء من شرودها في ثواني كانت تنزل إلي ألارض بداخل قبرهاا ل تدخل إلي جسدها و جلست وهي تنظر إلي القبر و تستمع إلي خطوات رحيل أهلها…لكن نظرت إمامها عندما و جدت ملكان أبيض الوجوه..طيبين الرائحه و ثيابهم بيضاء..
ل تتحدث لهم بتلقائية: من أنتم الذي تبشرون بالخير.
فيقولو: نحن عملك الصالح
أبتسمت بسعادة وهي تستمع أليهم عندما قالوا لها:
– من هو ربك؟
أجابت دعاء بثبات و ثقة:
– ربي الله.
فقالوا: من نبيكي؟
دعاء بثبات: نبيي محمد
فقالوا: ما دينك؟
دعاء: ديني ألاسلام.
فقالوا: ما عملك في الدنيا؟
تحدث دعاء بثبات: القرأن الكريم و العمل به.
في ثواني شعرت دعاء إن القبر يضمها ب حنان و كذلك أستمعت إلي صوت يأتي من السماء قائلا:
– صدق عبدي ف أفرشو له من الجنة و أطعموه من الجنة و البسوه من الجنة.
عندما أستمعت دعاء هذا الكلام صرخت بسعادة وهي تقول:
– يارب قم الساعة يارب قم الساعة.
لكن في ثواني كان جسدها ينام مجدداً في مكانه و روحها تصعد مع الملائكة إلي منزلها الجديد..
☆☆☆☆☆☆☆☆☆☆☆☆☆☆☆☆☆☆☆☆☆
بعد قليل رأت دعاء نفسها تقف في مكان جميل يشبه الغيوم و كانت تطفو و كان يوجد بشر كثير مثلها…عندما دلفت إلي الداخل وجدة الكل يقترب منها بلهفه واضحه علي وجههم وهم يسؤلونها كلهم مع بعض:
– أبني عامل ايه…شوفتي مراتي…سلمتيلي علي جدي…فلسطين أخبرها أيه…ظل الكل يسأل و يسأل حتي صمتوا عندما أستمعوا إلي أحد من خلف دعاء وهو يقول:
– سبوها ترتاح ألأول دي لسه جايه من غم الدنيا.
ألتفتت دعاء إلي الصوت من خلفها لكن شهقت بسعادة وهي تبكي عندما رأت أنه جدها..ركضت أليه وهي تحضنه و تحدثت بسعادة:
– جدو بجد انت قدامي انا مش مصدقة نفسي…
لكن توقفت عندما أستمعت إلي صوت مميز من خلفها وجدته شقيقها و معه جدتها و عمها و أقاربها ألاموات…سلمت عليهم كلهم و قضت بعض الوقت معهم قبل إن تسألهم:
– أومال فين مريم جت قبلي.
أومأ لها شقيقها علي مريم الذي تجلس بعيد عنهم…ذهبت إليها سريعا و جلست بجانبها وهي تقول بمرح:
– ألمزه بتبكي ليه.
أطلعت إليها مريم ثم أنفجرت في البكاء وهي تقول بصوت متقطع:
– هدخل النار يا دعاء انتي مشوفتيش قبري ولا شوفتي حاجه انا خايفه اوي ليه ميرجعش بيا الزمن يوم واحد أخلي ربنا يسامحني فيه.
ضمتها دعاء بحزن وهي تقول:
– ربنا أحن من أمك عليكي و أكيد مش هينساكي و كمان لسه الرسول هيشفعلنا و كمان شوفت قبل كده أن ممكن الصاحب المؤمن يطلب من ربنا انه يدخل معاه صاحبه الجنة وانا هعمل كده لحد متبقي معايا دايما.
مريم ببكاء/يارب يا دعاء يارب.
أقترب منهم جد دعاء وهو يتحدث لها:
– سبيها يا دعاء ده أكتر وقت محتاجة تفضل فيه لوحدها.
أستمعت دعاء إلي جدها و نهضت وهي تمشي معه…ل تسأله بحيرة:
– لو دي مش الجنة يبقا أحنا فين.
ألجد بهدوء/حياة البرزخ
دعاء بستغراب/يعني أيه
أخذ الجد تنهيده وهو يشرح لها:
– الروح بعد مغادرتها الجسم مش بتنتقل إلي الجنة أو النار مباشرة..دي بتروح إلي البرزخ…و كلمة البرزخ كان ب يستعملها العرب للتعبير عن مكان بين مكانين و أستعملها القرأن عن مرحلة أو حياة بين حياتين…يقول الله تعالي "ومن ورائهم برزخ إلي يوم يبعثون"…فالبرزخ مرحلة بين الموت و يوم تقوم الساعة.
دعاء بفهم/اها بس هو موجود فين يعني.
ألجد/عبارة عن الفراغ الموجود بين ألارض و جميع السماوات المحيطه بنا…بما فيها الشمس و الكواكب السيارة و الفراغ الموجود في داخل جميع ألاجسام الصلبة و داخل الذرة نفسها…يعني بين البروتون و الإلكترون..يعني الأرواح بتعيش حرة طليقة في الفراغات الهائلة مش بيمنعها أي حاجز و تقدر تعدي من داخل فراغات الذرة ولو كانت حيط من الصلب.
دعاء بصدمه فاهي كانت لا تعلم هذا كله:
– ياه أنا أول مره أعرف ده كله.
ألجد ببتسامة/أكيد في حاجات كتير متعرفهاش أسأليني.
دعاء وهي تحاول التفكير في أسئله:
– ياااه في أسئلة كتير في بالي.
ألجد/قولي براحتك
دعاء وهي تنظر حولها وهي تتحدث:
– هي الروح لما بتبدأ تخرج من الميت بيشوف كل حياته لأني وقتها كنت في غيبوبه
ألجد/اه بيمر عليه شريط حياته زي الفيديو بالضبط ولكن بسرعه شديده وهنا عذاب نفسي علي العبد لو كان كافر وروح معنويه و تبشير بنعيم صاحبه لو كان مؤمن.
دعاء بفهم/أها طب هو العذاب في القبر او وجدنا في الحياة البرزخية بتعدي علي العبد كأنهم كام ساعة.
الجد/ربنا قال"كم لبثتم في ألارض عدد سنين..قالوا لبثنا يوماً أو بعض يوم فاسأل العادين..و الرد كان..قال إن لبثتم إلا قليلا لو أنكم كنتم تعلمون"…و هنا دليل كافي مفيهوش تخمين ولا أجتهاد في أن ربنا بينسي أهل القبور مدة الجلوس في القبر إن كان مؤمن أو كافر.
دعاء بمرح/رغم اني مفهمتش بس أوكي.
ألجد ببتسامة/مع الوقت هتعرفي..إلمهم في حاجه تاني.
دعاء/ده لسه بقول يهادي في حاجات كتير…هو فعلاً فيه ناس لا بتطول نار ولا جنه بعد الموت.
ألجد/اها دول رجال بيسمو رجال ألاعراف واللي فيهم نزلت سورة كاملة في القرأن بأسم ألاعراف و دول الناس إللي تساوت حسناتهم مع سيئاتهم…ودول دخولهم الجنة أو النار بيبقي علي حسب ما ربنا بيشاء.
دعاء ببتسامة/اها فهمت ربنا يخلي أي حد ممكن يدخل النار يبقا منهم علي ألاقل.
ألجد/يارب.
دعاء بتفكير/طب الاموات بتتكلم فيما بينها ف المقبره ، يعني لو اتنين متوفين ف نفس المقبره او ف البرزخ عموما بيتكلمو !؟
الجد وهو يضربها علي قفاها قائلا:
– انتي غبية يابنتي ماحنا اهو في البرزخ و بنتكلم و كمان دلت الاحاديث ع ان أرواح الموتي بتتلاقي ف البرزخ وبتتكلم فيما بينهم الدليل : روا النسائي والامام احمد ف حديث طويل عن قبض الارواح جاء فيه " فيأتون به ارواح المؤمنين يعني اللي ماتو قبليه او لما يموت ويشوف الناس اللي كان بيحبهم فيقدم عليه يعني يذهب اليه فيسأله : ماذا فعل فلان وفلان !؟ ف يرد واحد تاني يقولهم " دعوه " ف انه جاء من هم وغم الدنيا الدنيا يعني اتركوه يستريح الاول من الدنيا ومشاكلها وف روايه يسأل روح واحد متوفي لروح شخص جمبو متوفي أما أتاكم !؟ يقصد اخوه او صحبه اللي لسه متوفي وبيدو عليه فترد الروح " ذهب به الي أمه الهاويه.
دعاء بتنهيده/طب انا اكيد معملتش حاجات كتير علشان تدخلني الجنة يبقا ازاي هدخلها.
الجد بابتسامة/ده السؤال إللي مستنيه…افتكري ان ربنا قال ان الحسنه بعشرة و السيئة زي ماهي بسيئة يعني لو أستغفرتي هتاخدي قدامها عشرة لو نزلتي علي الفيس قرأن او حديث و حد قاله هتخدي الضعف من الحسنات وانتي بتقولي ورا ألاذان بتاخدي حسنات..في حسنات بتاخديها وانتي مش واخده بالك وانتي بتنصحي حد وانتي بتدعي ربنا كل حرف من القرأن بتسمعيه عليه عشر حسنات…يعني ربنا مش هينسي مريم ولا أللي زيها..ربنا أحن من ألام علي أولدها يبقا فيه أم هتأءي أولدها أكيد لاء.
أومأ دعاء براحه وهي تتمني ان تأتي مريم معاها إلي الجنة:
– ونعم بالله…طب في حالات معينه ينجو بيها المؤمن من عذاب القبر أيا كان روحاً أو جسداً.
الجد/أه أنك تقرأ سورة ألملك قبل م تنام حتي إن السورة بتسمي "ألمنجيه" يعني من عذاب القبر…كمان ألابتعاد عن الغيبه و النميمه…كمان التطهر بعد ألتبول ألنبي مر علي قبرين فقال " أنهما يعذبان وما يعذبان في كبير..أما ألاول في كان لا يستبرئ من بوله وأما الثاني فكان يمشي بين ألناس بالنميمه" أو إن الميت يكون مات يوم الجمعه أو في ليلتها أو أنو يشهد إن لا إله إلا الله قبل ميموت…و أضعف ألايمان أنو يستغفر و يستعيذ بالله من عذاب القبر في حياته وهنا ربنا يرحمه بيعفو عنه و يتجاوز عن سيأته..
أومأت دعاء وهي تفكير في أسئلة تانية:
– هنا فيه سؤال مهم : ازاي العذاب ف القبر وهوا ف مكان متر ف متر !؟
الجد/ هجاوبك بمثال : لما بتكون نايم وتحلم بحاجه بتأذيك بتضربك مثلا ب تلاقى نفسك مرعوب منها وبتعيط او بتعبر عن الالم اللي بيحصلك بالرغم من انك نايم واوقات بتقوم تلاقي أثر علامات ع جسمك كذالك العذاب هنا بيبقي عذاب الروح فقط زي م قال الامام الغزالي وبن هبيره وانو شعور باللذه لو كان مؤمن او شعور بالعذاب لو كان كافر بالظبط زي وانت نايم عشان كدا بنقول الموته الصغري " النوم ف الحياه" و الموته الكبري "
دعاء/فهمت..هوا انا لما كنت بدعيلك انت و اخويا و كل أهلي كنت بتعرف اني بدعيلك !؟
الجد/ ف الحديث الثابت عن النبي انه قال " ما من رجل يمرع قبر أخيه ف يسلم عليه الا رد الله عليه روحه حتي يرد عليه السلام ف الظاهر من اقوال اهل العلم ان الموتي بيعرفو مين دعالهم ودعا ب اي اذا كان قريب ليهم او كانو عارفينو ف الدنيا و لما بتروحى القبر و بتتكلمي مع الميت بيبقا سامع كل حاجه لأن الرسول قالها قبل كده انهم يسمعون ولا يستطعون الرد.
دعاء ببتسامة/طب حمدلله انها بتوصلكوا…
الجد/في حاجه تاني.
دعاء بحماس/ايوا ايوا فيه.. طيب أيه ألحاجات اللي تنفع الميت في البرزخ…حاجات فعلها قبل موته..
الجد/يقول رسول الله "إن مما يلحق المؤمن من عمله و حسناته قبل موته علما علمه و نشره..و ولداً صالحاً يدعو له و مصحفاً ورثه و مسجداً بناه و بيتاً لأبن السبيل بناه و نهراً أجراه وصدقة أخرجها من ماله في صحته و حياته تلحقه بعد موته".
دعاء/طب انا طلعت فوق انتوا كمان طلعتوا ولا ايه.
الجد/الكل يا حبيبتي المهم بيدخل القبر وبعد اهلو م يمشو بتكون الروح صعدت الي السماء وتُفتح الملائكه السماء فان كان مؤمن الروح بتصعد للسماء السابعه واطيب رأئحه ليها وكل م الملك يمر ع ملك يسأله روح من هذه!؟ " فيقولو روح فلان بن فلان بأحب الأسماء اللي كان بيتنادي بيها ف الدنيا ، وان كان کافر ابواب السماء م بتتفتحلوش والملك لما يتسأل " روح من هذه !؟" فيقولهم روح فلان ابن فلان بأقذر الأسماء اللي كان بيكره ان حد ينادي عليه بيها ف الدنيا ..
دعاء ببتسامة/حمدلله اني روح طيبه..بعدين بيحصل ايه.
ألجد/بعد كده الروح بترجع لصاحبها ف القبر ف ان كان مؤمن يأتيه ملكان أبيض الوجوه ، طيبين الرائحه يعني ريحتهم حلوه ، ثيابهم بيضاء ، ف يقولهم " من أنتم الذي تبشرون بالخير !؟" فيقولو " نحن عملك الصالح " ف يقعدوه ويبتدي يسألوه 3 أسئله الاجابه عليهم باللي ف القلب مش بالحفظ يعني اللي ف القلب هوا اللي بيطلع من ربك ، م دينك ، من نبيك !؟
دعاء بحماس/ايوا ده حصل معايا طب الكافر او مش المؤمن.
الجد/أما العبد الكافر او الغير صالح اول م الروح بترجعله بيأتيه ملکان سود الوجوه ، سود الشعر ، سود الثياب ، رائحتهم قذره فيقعدوه ويسألوه ال 3 أسئله ف يقول " هه هه ! لا ادري ' فيقولو لا " دريت ولا تليت " وينادي منادي من السماء كذب عبدي ف افرشو له من النار والبسوه من النار واطعموه من النار " ويضمه القبر ضمه تختلف اضلاعه ف بعضها ويضيق عليه قبره ويحول الي حفره من حفر جهنم والعياذ بالله.
دعاء بحزن علي مامرت به مريم:
– يعني مريم حصل معاها كده.
الجد وهو يضم دعاء/مريم من الناس إللي لاهتها كنز الحياة و نسيت كنز ألاخرة…
دعاء بتنهيده/طب هيفضل العذاب في القبر حتي يوم القيامة.
الجد/وعن أنس أنّ رسول الله – صلّى الله عليه وسلّم – قال: «إنّ العبدَ إذا وُضِعَ في قَبرِه، وتولّى عنه أصحابَه، وإنّه ليسمعُ قَرْعَ نعالِهم، أتاه ملكانِ، فَيُقعَدانِه فيقولانِ: ما كنتَ تقولُ في هذا الرجلِ، لمحمّدٍ صلّى الله عليه وسلّم، فأمّا المؤمنُ فيقولُ: أشهدُ أنّه عبدُ اللهِ ورسولُه، فَيُقالُ له: انظرْ إلى مقعدِكَ من النّارِ، قد أبدلك اللهُ به مقعدًا من الجنّةِ، فيراهما جميعًا. قال قَتادَةُ وذكر لنا: أنّه يُفْسحُ في قبرِه، ثمّ رجع إلى حديثِ أنسٍ، قال: وأمّا المنافقُ والكافرُ فَيُقالُ له: ما كنتَ تقولُ في هذا الرّجلِ؟ فيقولُ: لا أدري، كنتُ أقولُ ما يقولُ النّاسُ، فَيُقالُ: لا دَريتَ ولا تَليتَ، ويُضْرَبُ بِمَطارِقَ من حديدٍ ضربةً، فيصيحُ صيحةً، يَسمعُها من يليِه غيرَ الثّقلين "
أومأت دعاء رأسها بفهم وهي تقول:
– طيب لما حد يجاوب علي ألاسئلة صح هيبقا زي.
الجد/ اها كل سؤال ع حدا وهنا ربنا بيقول " يثبت الله الذين امنو بالقول الثابت في الحياه الدنيا وفي الاخره " يعني عند سؤال الملكين اول م يجاوب يضمه القبر ضمه تشبه حضن الام لابنها ثم ينادي منادي من قبل السماء " صدق عبدي ف افرشو له من الجنه واطعموه من الجنه والبسوه من الجنه " ويوسع قبره مد البصر.
دعاء بتوتر/طب إللي مش مؤمن؟
ألجد/كمان لو هوا مشرك أو كافر بيصرخ صرخة يسمعها كل الكائنات ألانسان ولو سمعها لصعق من هو الصرخة وهنا بيبتدي يردد كلمات"يأهلي ياعشيرتي لا تلعبن بكم الدنيا كما لعبت بي..المال لكم و الحساب علي" و ينادي عليه القبر "لقد كنت أبغض الناس إلي و كنت تمشي علي ظهري وانت ألآن في بطني في ستري صنيعي بك"..
دعاء وهي تمنع دموعها من السقوط/يلهوي انا سمعت مريم وهي بتقول كده…طب طب مريم هتفضل عايشه معانا علطول في البرزخ حتي لو هتدخل النار.
ألجد/و نفهم من ده إن ألأرواح في البرزخ ب تكون سعيدة أو تعيسه لأنها ب تنبأ بمكانها يوم القيامة في الجنة أو النار حسب أعمالها في الدنيا..ربنا يصف حياة المؤمنين الصالحين في البرزخ قائلا " و يستبشرون بالذين لم يلحقوا بهم من خلفهم ألا خوف عليهم ولا هم يحزنون"…و أما الكفار و البغاة فيعرفون مصيرهم في النار و العذاب ويقول تعالي " وأما إن كان من المكذبين الضالين فنزل من حميم و تصلية جحيم"
دعاء برجاء/ربنا يرحمنا…انا كده خلصت.
الجد بأبتسامة/تمام انا بقا عايز أسألك سؤال.
دعاء بستغراب/اتفضل براحتك يا جدوو.
ألجد/أنتي عايزة دلوقتي القيامه تقوم صح.
دعاء بحماس وهي تطير/طبعا نفسي عشان أشوف ألانبياء و اسمع خطبة الرسول و أكلم السيده عائشة و كله و أعيش طول حياتي هناك.
ألجد ببتسامة/الكل بيحلم بكدا لكن انتي نفسك تقوم علشان انتي عارفه انك داخلة الجنة…لكن إللي بيقراء ألاسكريبت مش جاهز انه يموت أو يقابل ربنا او يمر بده كله و يمكن ألاحلي أو ألوحش منه كمان..الكل عايش في متع الدنيا ناسيين متع الجنة هما في غلفة و أخرهم هيبقوا زي مريم هيبقوا نفسهم يرجعوا ساعة واحده بس علشان ربنا يسامحهم..
دعاء بتنهيده/فعلا كلامك صح بتمني من ربنا ان الناس كلها تفوق من غفلتها قبل فوات ألاوان…انا حقيقي فرحانه لو حياة البرزخ كده أومال الجنة أزاي مع ألانبياء يلا ياربي قم الساعة ياربي.
ضحك الجد علي دعاء الذي ظلت تقفز في الجو ل يهمس بهدوء:
– هانت و هتقوم و كلنا هنبقا أرواح بين عالمين..
(هذه فقط معلومات جئت بها من أحاديث و أيات من القرأن و ألله أعلم ♥️)
♡♡♡♡♡♡♡♡♡♡♡♡♡♡♡♡♡♡♡♡♡♡
رأيكم؟♡يهمنى
علشان لو حد هيقول حرام أو كده في انا الصراحه معرفش بس بقالي شهر بجهز فيه علشان اقول المعلومه صح و متأكده منها من القرأن او أحاديث…و سألت كذا شيخ و خليت كذا حد عارف في الدين يشوفوه و قالولي انه صح و مش حرام..برضو لو في حاجه غلط قولولي بس بأحترام♡


انقر هنا لقراءة الخبر من مصدره.