نهلة عابد تكتب : كفاياكي يادموعي

بستغربك يادموعي....لسة منشفتيش
لسة لما بتيجي سيرته بتنزلي...
لسة مخلصتيش...
لسة كل ما اجي افرح ....فيا فرحي بتقتلي
لسة جرحه لينا ممحكيش...
لسة بتنزلي ؟؟؟.....لسة مموتيش!!!
ده اللي عمله فينا اللي كان حبيبنا ميتنسيش
ويشهد ربنا عاللي زيه ميتبكيش
بستغربك يادموعي ....ازاي لسة منشفتيش
بستغربك يادموعي.... بس برجع بعذرك
مش بعذرك .... أنا بشكرك
كل دمعة بتنزل بتغسلني من جوة
بتنسيني ذكرى ليا أنا وهو
مش بس بتنسيني....دي بجد بتقويني
وكل ماتفكرني بخيانته بتقسيني
وحلال أوي القسوة....على قلب مايسوى
قلب اشترى نفسه.....هانت عليه العشرة
وصغيرة الدنيا....وياماقرب الأيام.... هتدور بينا قوام
وهيرجعوا اللي خانونا ...عالباب يستنونا
فاكرينا زي زمان ....هنفتح الببان....وناخدهم بالأحضان
هيخبطوا عالباب....
هحس بيهم آه ...دي خبطة الخاينين
لكن هقول مين؟؟؟
هيردوا يستعطفونا ....ويقولوا وحشتونا
ساعتها أنا مش هرد .... ولا هفتح الباب
هجري وأجيب ورقة .... أعلقها عالشباك
حبك جوانا مات ....وقطرك خلاص فاااااات