ردى يا بهانة

انا قومت من النوم والحر بيسيحنى زي حتة تلج في فرن بيدبحنى احسس ع السرير واقوم مفيش لعينى اي نور صرخت بصوت عالي مين اللي طفا النور ولا حد رد عليا ولا سامع صوت ودموعي نازلة منى وكانى خلاص بموت احسس ع الدولاب ع الحيطان لغاية ماوصلت لباب الاوضة وطلعت منه احسس وفجأة رجع الامل اما شوفت عقب سيجارة ابويا في اخررر الصالون منور قولت يبقي انا ما اتعميت الحمد لله...بس بنده علي ابويا مبيردش ندهت علي كل الناس مبتردش !!
فضلت احسس لغاية ما وصلت للبلكونة وكان شكل نجوم السما رائع فكرنى بمقولة هوريك النجوم في عز الظهر ولكن المرة دى الكلمة دى مخوفتنيش اصلنا كنا بليل ماهو لو كنا بالنهار كنت هفكر انى اتعميت؟!
هدوء الليل من غير اي صوت وشكل النجوم اللي قاعدة فوق احساس جميل...
بس اللي نسيته تعرفوه هو ليه محدش بيرد عليا ...اصل انا ياسيدى اطرشت اي والله
اصل سمعت عن ازمة بين عم يونس وعم سامح عشان قطع الكهربا المتسبب فيها الغاز اللي هنرجع نشتريه من اليهود تانى بسعر اغلي هو اللي طرشنىىىىى وهنا حصلي تانى صريخ متواصل مع دبدبة برجلي وشد ف شعري فوقت بعدها ان النور جه وافتكرت ان ابويا توفي من سنتين يبقي انا كده اتجننت يا بهانة؟