المواطن و اختياره

بقلم : خالد عبد الرحمن
مواطن بيحارب بسلام عشان يحس بالاهتمام
ررررررررن
واستيقظ المواطن وانطلق نحو الشباك واستنشق هواء الصباح الجديد
وقال :: "اهو مكحتش" هواء جديد مع عصر الحرية الجديدة هو د الامل اللي كان نفسي اعيشه
ارتدي ملابسه سريعا وبحماس واثناء خروجه من غرفته وجد أمه انتهت من صلاتها
المواطن : ادعيلنا يا حاجه
فقالت ربنا ينصرك انت والشباب اللي زيك
المواطن : ان شاء الله يا امي هينصرنا بس خايف اننا منعرفش نختار رئيس الجمهورية الجديد
فقالت الام : بص يا واااد اختيار رئيس الجمهورية زي الجواز والجواز زي البطيخة يا تطلع حمرا يا تطلع ارعة فبصيت ليها وقلتلها رئيس الجمهورية زي البطيخة !!!! انا خارج ياما
الام : استني يا واد مردتش عليا في العروسة اللي جيبهالك ام فوزية
المواطن : ابوس ايدك يا امي ابعديني عن ام فوزية انا عاوز اتجوز واحده لما اكلمها عن ثورة التحرير متكلمنيش هي عن كشري التحرير
وخرج المواطن من بيته مسرعا الي مقر عمله ليحتفل بالانجاز مع زملائه
وعندما دخل مقر عمله واقترب من حجرة المدير سمع هذا الحوار
لاقطعنكي قطعا مثل تقطيع الجبنة الرومي .. تعالي يا قطه من زمااااان وانا مشتاق اعمل فيكي كدااااااا ... طول عمري كنت بشوفك هنا ابص ليكي ومقدرش اعمل حاجه واخيرااا هقدر اعمل اللي انا عاوزه ... وهجيبك من فوق وهنزلك تحت .. واطفي ناري اللي مولعة من زمااان
فهرش المواطن في شعره
وقال في سره : لاء مش هسكت علي اي غلط تاني
ففتح باب الحجرة ودخل فوجد المدير ماسك صورة الرئيس السابق وهو بينزلها من علي الحائط
فأحمر وجه المواطن وقال ان بعض الظن سوء
ودار الحديث بينهم
المواطن : صباح الحرية يا كبير
المدير : صباح الفل والامل
المواطن : حاسس بي ايه النهارده ؟؟
المدير :: بص زمان كنت حاسس اني مسير لا مخير يعني وانا صغير كان نفسي يكون عندي عجلة بس الحالة المادية لولدي مكنتش تسمح فضلت عايش بتخيل اني بسوق العجلة وانا بتفرج علي اي حد بيسوق عجلة وكان نفسي اطلع مهندس لاني موهوب في التصميم فطلعت محاسب حسب ظروف التنسيق , كان نفسي اتجوز جارتنا بس هي اتجوزت بسرعة ولما جيت اتجوز اتجوزت واحده هما ااختاروها ليا ,اهي بنت حلال وكويسه , واشتغلت في مجال انا مش حبه بس كان لازم اكمل فيه واجتهد فيه عشان اقدر اعيش واستمر هو حد كان لاقي شغل , كنت بشجع الاهلي عشان بيكسب ديمن هو انا ناقص اشجع الزمالك ويجبلي حرقة دم
عارف ايه السبب في دا كله لاننا مكناش بنشم هوا الحرية فكنا بنمرض وفضلنا عايشين علي المسكنات ولما المسكنات مفعولها اصبح بلا تأثير فخرجنا للمظاهرات ام ان نستنشق ريح الحرية ونعوض السنين اللي ضياعنها حتي لو عشنا يوم واحد أو عشنا الاحساس او نستنشق ريح الجنة اهو الجنة مفهاش ظلم
المواطن : احنا شمينا هوا الحرية خلاص وايمانا بالثورة وتماسكنا مع بعض اقوي من اي ثورة مضادة
المهم بعد ما شيلت صورة الريس هتحط صورة دبابه ولا هتحط صورة علامة الاستفهام
ضحك المدير وقال : لا يا خفيف انا مجهز الصوره
فوضع المدير الصوره الجديده مكان صورة الرئيس السابق
فصعق المواطن وقال : حاطط صورة بطيخة !!!! ؟؟؟ برضه
المدير : اه اصل الحياه زي البطيخة لو فهمت الاول صح هقدر اختار صح
فدخل الحارس ونظر اليهم بتعجب
فقال له المدير : مالك بتبص كدا
فرد الحارس بدهشة : النهارده يا بيه 12/2/2011 يوم السبت مفيش شغل اجازة يعني