شفت منك

كتير انا شفت منك . يوم حيره و يوم اسيه
وحاولت البعد عنك . وماهونتش يوم عليا
استحملتك كتير . وداريت عليك كتير
لكن قلبى الكبير . مش حمل دموع عينيه
لو تعرف قد ايه . قلبى بيخاف عليك
لو حسيت مره بيه . او طبطبت بايديك
كان طار م الفرحه طير . ولا بصش يوم لغير
كان حس الدنيا دنيا . و يقول انت اللى ليا
كان عايز نظره واحده . يشوفها من عينيك
او كلمه و ابتسامه . يجرى بيهم عليك
و يشوف الحب منك . ولا يبعد لحظه عنك
يحلم بيك و انت جنبه . و يهل الشوق عليا