القرموطي: من أول رئيس الجمهورية إللى مش قادر يشيل يمشي

طالب الإعلامي جابر القرموطي، في حلقة برنامجه «مانشيت»، الاثنين، بضرورة محاسبة المسئولين عن أحداث العنف قبيل مباراة الزمالك وإنبى أمس باستاد الدفاع الجوى، والتى راح ضحيتها نحو 22 قتيلا وعدد من المصابين. وقال «القرموطي» منفعلا: "اللي عمل اللي حصل في الماتش ده لازم يتحاسب، علشان يبقى فيه عدل، مفيش حاجة اسمها أنا مش مسؤول، أنتوا جايبين قفص فراخ وحاطين فيه ناس، ده معناه معندناش خطة، وعشوائيين، وبنمشي بأوامر". وأضاف: "عيب في العرف نمشي بأوامر زهقنا من الدم اللي بنشوفه كل شوية، اللي مش عارف يشيل يمشي، من رئيس الجمهورية لتحت، قولناها زمان اللي مش قادر يشيل يمشي، عيب كل أسبوع يموت ناس". وكان قد قرر مجلس الوزراء، صباح الاثنين، تعليق مسابقة الدوري العام لأجل غير مسمى، بعد سقوط 19 قتيلا من مشجعي نادي الزمالك أثناء إطلاق قوات الشرطة قنابل الغاز المسيل للدموع، على الجماهير قبل مباراة الزمالك وإنبي