قالتلى ..... قصيده بقلم الشاعر زغلول الطواب

شكرتها
قالتلى بحبك صدقتها
أتواعدنا نتقابل
قابلتها
تحت الشجرايه
قعدنا نحكى الحكايه
لمحت فى عنيها كلام
وكأنها بتعزف أروع الألحان
حسيت بأديها بتتمدلى
قربت أيدى حسيت بالحنان
ونامت الأيادى مع السلام
قولتلها خايفه
قالتلى حاسه بالأمان
مالت على كتفى وشوشتنى
قالتلى بحبك من زمان
قولتلها وحياتك عشقتك
وكأنى بعرفك من زمان
قالتلى هو ده إللى انا حساه
أكيد انت حاسه كمان
قولتلها ومين يقدر ينكر
وهو غرقان فى الحنان
عنيكى يا بهيه
بحر مالوش أمان
رموشك شواطىء قتاله
خدودك بطابع الحُسن
بيفكرونى بالرومان
شفايفك عليها أحلى أبتسامه
وخدانى لدنيا الغرام
قالتلى خلى بالك من جنانى
أنا مش هقدر أوعدك بالأمان
لو قربت منهم هتعطش
مهما حسيت بأنك رويان
حاسه بشفايفى كأنها بركان
شوقتنى لو عتنى دللتنى
وكأنى بقطف زهره
من أجمل بستان
أنفاسها
عبير الريحان
أتقابلنا
بأشواق العطشان
شربنا وشربنا
رضاب اسكرتنا
حتى التوهان
يا خساره صحيت من المنام
وأتبخرت مع الشمس الأحلام