خناقات ولا انتخابات

بقلم كارم عمران
خلاص اليومين دول هتبداء المعركة الانتخابية ..... اه والله معركة ...... كل واحد بيستعد وبيحضر اسلحته عشان يخلص على عدوه .... قصدى خصمه .... قصدى منافسه ....معلش كل واحد وتفكيره بقى .... تلاقى فى الانتخابات دى المرشحين مش هاممهم انهم يخدموا الناس او هيقدروا يعملوا ايه للناس ولا حطين برنامج للفترة اللى هيكونوا فيها موجودين فى المجلس ... ولا خططوا لكل ده ... كل تفكيرهم وخططهم ازاى ينجحوا ويسخروا كل الامكانيات اللى تساعدهم فى ده والبلطجية اللى هتضرب وتتخانق ... وعشان الكلام يبقى بمصدقية اكتر .... مش كل المرشحين كدا بالعكس فى منهم كتير بيخدموا الناس وداخلين المجلس يعملوا حاجة بس المشكلة ان مافيش انتخابات بتعدى غير لما يبقى فيها خناقات ومشاكل ..... طب انا عايز اسأل سؤال و حد يجوبنى عليه .... المفروض ان الواحد بيرشح نفسه عشان يخدم الناس ويوصل صوتهم للحكومة والسلطة .... طب بالذمة اخدم الناس ازاى وانا بضربهم وتفكيرى قايم على قانون الغابة .... القوى ياكل الضعيف .... انا مش عارف ده موسم انتخابات ولا خناقات ؟؟؟؟؟