كل اوراقك ماتت .. قصيده بقلم / احمد رامي و ولاء عزوز

كل اوراقك ماتت
هو
قدرتى تمحى فى السطور
غيرتى اشكال الفصول
زيفتى ليه كل العقول
و ازاى قدرتى
تقررى و تفكرى و تدورى
و تعيشى وهمك فى الغرور
هي
قبل اتهامك الكبير
قولي كان فين الضمير
انا كنت منك بضيع
فاكر اني ليك ببيع
عمر حبي ماكان غرور
والفصول هي الفصول
شوقي كان مالي السطور
وانت فيها كنت الربيع
هو
شوفتينى مخلوق كان ضعيف
عيشتى فى اوهام الخريف
وقع الورق
و رسمتى زيف
غيرتى وش الانتظار
سيبتينى عايش فى المرار
و ادى اللعبة بقت سجنك
و اهو المخلوق كره حضنك
و اصبح نار
هي
الكره كان من البدايه
معشش جوه حضنك
والورق لما وقع
كشف زيفك و وهمك
كنت ليك المطر
بغسل ذنوبك
ولما كنت بتتكشف
ببقي توبك
واللعبه كانت لعبتك
ابدعت في دورك
هو
قتلتى الكلمة جوايا
عشان نفسك
غرقت معاكى بهوايا
و غاب عن دنيتى حسك
و غاب نفسك
فغابت عنى سكاكينك
و تاهت دنيتى فى عينك
و قلت ارتاح
لقيتنى حكاية مدبوحة
و عشتى بترسمى اسمك
ضحية واقفة ع البركان
هي
ارمي ذنوبك عليا زي عادتك
قول اني كرهتك
بعتك وظلمتك
كنت هستني ايه تاني منك
زي ماهونت عليك
هان عليا حبك
اعلن عن مشاعري في المزاد
شوف مين يشتريها
بيع سنين عشتها عشانك
مين يدفع اكتر فيها
لون كدبك بقي باهت
كل اوراقك ماتت
بس تعرف ال زمان
قولت انك بتحبها
دلوقتي بس ماتت
هو
اقولك امشى و ارتاحى
بلاش تتساهلى فى جراحى
كفاية عليكى تنسينى
و ترمى كل افراحى
حكاية و دنيا و نهاية
عشتيها
فارقتيها
سيبيها بلاش تعانديها
هتنسيها
ما ياما نسيتى قبليها
و انا قبلك هغيب عنها
هدوس فوقها و اخطيها