مش مهم نعم او لا المهم الوطن نلقاه ........قصيده بقلم مصطفى محمود ابو ابراهيم

مالئتش إلا أخوك
تعمل عليه شاطر
تنعل وتشتم فيه
وتقول عليه فاجر
معقول ده حب لوطن
ولا الشيطان شاطر
واخوك يرد عليك
فاكرنى مش قادر
ما راح خلاص الخوف
وصبحت انا راجل
معلش وانته خروف
وعاملى مناضل
التهمه جاهره ياواد
والوطن أتشق
يا خساره يابلدنا
لما يموت الحق
ونزيد كمان فى عنادنا
مره بآه أو لأ
كان يجرى إيه ياكبار
لو تصحى ضمايركو
الإرث أصبح صعب
والخيبه لولادكو
أوعاك تقول الهم
عمره ما يصبكو
أسأل حكيم البلد
كترت مصايبكو
الدور عليك بيلف
ياللى عليك الدور
تفضل تقول وتلف
اصل الكلام مسطور
لكن فى وقت الفعل
تصبح عليل مسحور
ياخساره يا ثورتنا
تاهت أمانينا
الغلب معاه حيرتنا
والهم كاوينا
واللى بنحسبه راجل
عمال يبيع فينا
عمال يبيع فينا.....