شبانة لحسام البدري : أنا ادفع تسعيرتك للأهلي وانت تيجي غصب عنك للبرنامج

شن الاعلامى محمد شبانه هجوما حادا على الكابتن حسام البدرى المدير الفنى للنادى الاهلى بسبب التصريحات التى اكد فيها ان شبانه يهاجمه بسبب رفضه الظهور فى برنامجه "كورة اون لاين ".
وقال شبانه فى برنامجه "كورة اون لاين" الذى يذاع على قناة مودرن كورة "الكابتن حسام البدرى طلع تصريح غريب جدا لاحد المواقع الرياضية قال قيه انى اهاجمه بسبب رفضه الحضور كضيف فى برنامجى وهذا الكلام غير صحيح بالمرة ويدعو للدهشة والاستغراب فى وقت واحد .
ووجه شبانه كلامه للبدرى " انا دعيتك امتى يا بدرى علشان تظهر فى البرنامج بتاعى ؟ لم يحدث انى دعوتك من الأساس انا اصلا مش محتاج أكلمك يابدرى, انت المدير الفنى للنادى الاهلى أصبحت لديك تسعيرة ادفعها تجى للبرنامج بتاعى على طول يعنى مش محتاج اتعب نفسي وارفع التلفون واكلمك .
وأضاف " انا ببعت فاكس للنادي الاهلى وهما يعملوا كل الترتيبات وادفع ثمن كل ده وان تطلع معايا طالما ادفع ثمنك .
وتابع " كنت اتمنى يا كابتن حسام ان تظهر معى لتوضح اسباب فشل الاهلى فى التأهل للنهائى بدل الكلام الفاضى والفارغ عن الحكم اللى عملتوه مبرر للخسارة المرة .