عندينا ف الصعيد الدم حامى والطبع مولع

عندينا فى الصعيد
الدم حامى والطبع مولع نار
من أجل كلمه غلط تجيد النار
يوجع واحد وإتنين وعشره وميه
بسبب كلمه هايفه تخرب الديار
وتجيد النار بين العيلتين بسبب العند
ده يشد وده يشد وتبقى الدنيا دمار
الكل راكب راسه خايف من العار
عليه العوض فى العيلتين هيخلصوا
واحد ورا واحد راجل جبال راجل
عيل جوصاد عيل يا ناس كفايه
أسكت لسه منتهاش التار
والله لو مبجاش فاضل غير الحريم
ولا ف يوم يجول علينا دول حريم
يكش الدنيا تخرب وما يبجى فيها عمار
الأرض تبور مش حكايه البهايم تغور برضه
مش حكايه
العيال تتيتم وإيه يعنى
يا ناس الدم ف العروج عيغلى
كيف أسيب تارى دالجتل واد عمى
لو مبجاش ف العيله غيرى
مش هسيب حجى ولازم آخد بالتار
مش عيجواوا العين بالعين والسن بالسن
طيب أمال أيه الحكايه مين فينا إلغلطان
ومين إللى أبتدى الحكايه
كيف أعيش وعلى الأرض أمشى
وأملى بطنى من العيش وأشبع
وأتمخطر ع الأرض وبرجليا أمشى
ويشاورا عليا ويجولوا جبان وجليل الربايه
لا كده متنفعش الحكايه
والله ف سماه ما تبرد نارى ولا بال يهدالى
غير لما آخد حجى وأغسل عارى وآخد بالتار
لسه يا خوانا مخلصتش الحكايه
إنتظرونى لما نشوفولها نهايه