خطرفة..... ( عملتله واوا )

بقلم : صالح شيحة
الجميع يهاجم وزير الإعلام صلاح عبدالمقصود عشان قال لمذيعة دبى الفضائية زينة يازجى (ياريت الأسئلة اللى حضرتك هتسأليها متكونش سخنة زيك).. ليه كده بس يا إخوانا ..ليه فاكرين نيته سودة ..وناقص تقولوا لى إنه قال كمان إن صدره كمان مفتوح ..مع إنه قافل الجرافتة ..والراجل كل الموضوع إنه أكيد وهو صغير كان فى كوباية شاى وقعت على رجله عملتله واوا ..وهو ده طبعاً اللى يقصده ..ولو حتى قال إن صدره مفتوح ما ممكن يكون عمل عملية جراحة قلب مفتوح ..ياريت بلاش نظلم الناس ..