بلاش نعيد إللى كان

قفلت قلبى بالضمه والمفتاح
وقولت خلاص إللى راح راح
وقولت لقلبى من العذاب إرتاح
كفايه عليك كده آلام الجراح
لسه هترجع تانى تتعذب
وتصحى إللى راح
لا يا قلبى خليك كده أحسن
خليك فى حالك وكفايه إللى جرالك
نام براحتك يا قلبى وإرتاح
بلاش نعيد إللى كان
ونرجع تانى زى زمان
نسهر نعد النجوم ونسرح
وخيالى رايح جاى فى كل مطرح
بيدور على حبيب هجرنى وراح
وحياتك يا قلبى أنا نفسى أرتاح
بلاش تدق تانى وتلوعنى مع أيامى
نفسى أنسى وأمشى لوحدى
فى البلاد سواح
مش عايز محطه توقفنى
ولا نظره شارده تاخدنى
ولا بسمه حلوه تخلينى
ارجع تانى أجرب
وأتعذب فى بعده وأتغرب
وأعيده من الأول وأعانى
لا يا قلبى أنا كده مرتاح
كفايه عليا الذكرى
كل ما بفتكر تصحى الجوارح
واتعذب وكأنى عايش إمبارح
شبح الآلام خلنى أخاف من بكره
وأخمد نارك باللوم والحسره
وأنعى حظى وأقول إمتى يا قلبى
ننسى إللى كان ونرتاح